Venada 5-11 jas aralyǵyndaǵy balalardy kovidqa qarsy jappai vaktsinalaý bastaldy. Ekpege BioNTech-Pfizer preparaty qoldanylady, dep habarlaidy QazAqparat Euronews agenttigine silteme jasap.
Buryn bul jas tobyn vaktsinalaýdy ony jeke negizde jáne shekteýli kólemde usynǵan tájiribeshil dárigerler ǵana jasai aldy.
Osyǵan bailanysty Avstriiada vaktsinalanbaǵan turǵyndar kúniniń lokdaýn rejimi kúshine endi.
«Biz balalarmen elde sanitarlyq talaptardy engizýdiń sebebin jáne vaktsinatsiianyń ne úshin qajet ekenin talqyladyq, meniń oiymsha, olar vaktsinatsiianyń infektsiiadan qorǵaitynyn túsindi jáne bul resmi josparǵa sáikes ádettegi vaktsinamen birdei»,- dedi Vena turǵyny.
Germaniiada koroavirýspen aýyryp jatqan úsh myńǵa jýyq naýqas qarqyndy terapiia bólimshelerinde emdelýde.
Aýrýdyń órshýine bailanysty bilik vaktsinatsiiadan bas tartqandar úshin shekteýler engizdi.
Murajailarǵa, meiramhanalarǵa, kinoteatrlarǵa, basseinderge tek vaktsinalanǵan jáne aýyryp shyqqa adamdar ǵana bara alady.
Dúisenbiden bastap 40 jastan asqan Ulybritaniia turǵyndary koronavirýsqa qarsy vaktsinanyń údetkish dozasyn alýǵa quqyly, al 16-17 jastaǵy jasóspirimder ekinshi ekpeni ala alady.
Angliia bas dárigeriniń orynbasary Djonatan Van-Tam:
«Eger údetkish vaktsinatsiia baǵdarlamasy sátti bolsa, oǵan kóptegen adam qatyssa, onda Rojdestvo men qys boiy biz milliondaǵan adamnyń aýrýhanaǵa jatqyzý jáne ólim qaýpin aitarlyqtai tómendete alatynymyzǵa senimdimin Bul óte qarapaiym jáne asa mańyzdy», - dedi.
