Eýropada epidemiologiialyq jaǵdai óte kúrdeli kúiinde qalyp otyr. Bul týraly QazAqparat Euronews aqparat agenttigine silteme jasap habarlaidy.
Ulybritaniiada táýlik ishinde indet juqtyrǵan 58 myńnan astam adam anyqtaldy.
Koroldiktiń sanitariia biligi koronavirýstyń omikron atty jańa shtamy jeltoqsannyń ortasyna qarai bárinen basym bolýy múmkin ekenin teriske shyǵarmaidy.
Bilik britandyqtardy tez arada kovidke qarsy býsterlik vaktsina saldyrtyp, úshinshi ekpeniń omikron juqtyrý qaýpine qarsý turýǵa shaqyrdy.
Portýgaliiada 18-19 jeltoqsan kúnderi 5-11 jas aralyǵyndaǵy balalarǵa koronavirýsqa qarsy ekpe salý josparlanyp otyr.
Vaktsina birinshi kezekte ilespe aýrýy bar balalarǵa egiledi.
Koronavirýs infektsiiasy tarala bastaǵannan beri 10 million halqy bar Portýgaliiada virýs juqtyrýdyń 1,18 mln astam jaǵdaiy tirkelip, infektsiiadan 18,6 myńnan astam adam kóz jumǵan.
Germaniianyń densaýlyq saqtaý salasyna aýyr salmaq tústi.
Miýnhendegi iri aýrýhanalardyń jansaqtaý bóliminde jatqan patsientterdiń tórtten úsh bóligi - kovidke shaldyqqan naýqastar.
Bas dárigerdiń aitýynsha, virýsqa qarsy ekpe saldyrtqandar kóp bolsa, mundai jaǵdai oryn almaityn edi.
Juma kúni el parlamenti birqatar kásibi top ókilderi, sonyń ishinde aýrýhana qyzmetkerleri men qarttar úiiniń turǵyndaryn mindetti vaktsinalaý týraly zań jobasy maquldandy.
