ەۋروپادا ەپيدەميولوگييالىق جاعداي ٶتە كٷردەلٸ كٷيٸندە قالىپ وتىر. بۇل تۋرالى قازاقپارات Euronews اقپارات اگەنتتٸگٸنە سٸلتەمە جاساپ حابارلايدى.
ۇلىبريتانييادا تەۋلٸك ٸشٸندە ٸندەت جۇقتىرعان 58 مىڭنان استام ادام انىقتالدى.
كورولدٸكتٸڭ سانيتارييا بيلٸگٸ كوروناۆيرۋستىڭ وميكرون اتتى جاڭا شتامى جەلتوقساننىڭ ورتاسىنا قاراي بەرٸنەن باسىم بولۋى مٷمكٸن ەكەنٸن تەرٸسكە شىعارمايدى.
بيلٸك بريتاندىقتاردى تەز ارادا كوۆيدكە قارسى بۋستەرلٸك ۆاكتسينا سالدىرتىپ, ٷشٸنشٸ ەكپەنٸڭ وميكرون جۇقتىرۋ قاۋپٸنە قارسۋ تۇرۋعا شاقىردى.
پورتۋگالييادا 18-19 جەلتوقسان كٷندەرٸ 5-11 جاس ارالىعىنداعى بالالارعا كوروناۆيرۋسقا قارسى ەكپە سالۋ جوسپارلانىپ وتىر.
ۆاكتسينا بٸرٸنشٸ كەزەكتە ٸلەسپە اۋرۋى بار بالالارعا ەگٸلەدٸ.
كوروناۆيرۋس ينفەكتسيياسى تارالا باستاعاننان بەرٸ 10 ميلليون حالقى بار پورتۋگالييادا ۆيرۋس جۇقتىرۋدىڭ 1,18 ملن استام جاعدايى تٸركەلٸپ, ينفەكتسييادان 18,6 مىڭنان استام ادام كٶز جۇمعان.
گەرمانييانىڭ دەنساۋلىق ساقتاۋ سالاسىنا اۋىر سالماق تٷستٸ.
ميۋنحەندەگٸ ٸرٸ اۋرۋحانالاردىڭ جانساقتاۋ بٶلٸمٸندە جاتقان پاتسيەنتتەردٸڭ تٶرتتەن ٷش بٶلٸگٸ - كوۆيدكە شالدىققان ناۋقاستار.
باس دەرٸگەردٸڭ ايتۋىنشا, ۆيرۋسقا قارسى ەكپە سالدىرتقاندار كٶپ بولسا, مۇنداي جاعداي ورىن المايتىن ەدٸ.
جۇما كٷنٸ ەل پارلامەنتٸ بٸرقاتار كەسٸبي توپ ٶكٸلدەرٸ, سونىڭ ٸشٸندە اۋرۋحانا قىزمەتكەرلەرٸ مەن قارتتار ٷيٸنٸڭ تۇرعىندارىن مٸندەتتٸ ۆاكتسينالاۋ تۋرالى زاڭ جوباسى ماقۇلداندى.
