Búgin UEFA Eýropa ligasy 2019/2020 jylǵy kezeńi máresine jetti, dep habarlaidy "Ult aqparat".
Finalda Ispaniianyń «Sevilia» jáne Italiianyń «Inter» komandalary kezdesti.
Esterińizge sala ketelik, jartylai finalda «Inter» Ýkrainanyń «Shahterinen» 5:0, «Sevilia» Angliianyń «Manchester Iýnaitedinen» 2:1 esebimen basym túsken bolatyn.
Búgingi kezdesý óte tartysty ótti. Qos komanda birden-aq shabýylǵa shyqty. Nátijesinde birinshi kezeńde tabloda 2:2 esebi janyp turdy. Oiynnyń 5-minýtynda «Sevilia» qaqpasyna penalti belgilendi. Ony «Inter» shabýylshysy Romelý Lýkaký múltiksiz oryndady, Al 12, 33-minýttarda ispandyq klýb sapynan Liýk de Iong qos goldyń avtory atandy. Al 35-minýtta «Inter» oiynshysy Diego Godin tarazy basyn teńestirdi.
Ekinshi kezeńde de komandalar shabýyl shebinde kóbirek boi kórsetti. Onyń biri qaqpadan biik ketse, endigi bir sátte qaqpashy men qorǵaýshylar tiianaqty qimylymen kózge tústi. «Sevilia» oiynshysy Diego Karlos tepken dop Romelo Lýkakýdyń aiaǵyna tiip ketti. Osylaisha «Inter» óz qaqpasyna gol jiberip aldy. Oiynda «Sevilia» 3:2 esebimen basym tústi. Osylaisha ispandyq klýb óziniń tarihynda altynshy márte Eýropa ligasy kýbogyna ie boldy.
Aita keteiik, 23 tamyzda UEFA Chempiondar ligasynyń finaly bolady. Onda Frantsiianyń «Pari Sen-Jermen» jáne Germaniianyń «Bavariia» komandalary baq synaidy.
