ەۋروپا ليگاسى: «سەۆيليا» كۋبوكتى التىنشى مەرتە جەڭٸپ الدى

بٷگٸن UEFA ەۋروپا ليگاسى 2019/2020 جىلعى كەزەڭٸ مەرەسٸنە جەتتٸ, دەپ حابارلايدى "ۇلت اقپارات".

فينالدا يسپانييانىڭ «سەۆيليا» جەنە يتالييانىڭ «ينتەر» كوماندالارى كەزدەستٸ. 

ەستەرٸڭٸزگە سالا كەتەلٸك, جارتىلاي فينالدا «ينتەر» ۋكراينانىڭ «شاحتەرٸنەن» 5:0, «سەۆيليا» انگلييانىڭ «مانچەستەر يۋنايتەدٸنەن» 2:1 ەسەبٸمەن باسىم تٷسكەن بولاتىن.

بٷگٸنگٸ كەزدەسۋ ٶتە تارتىستى ٶتتٸ. قوس كوماندا بٸردەن-اق شابۋىلعا شىقتى. نەتيجەسٸندە بٸرٸنشٸ كەزەڭدە تابلودا 2:2 ەسەبٸ جانىپ تۇردى. ويىننىڭ 5-مينۋتىندا «سەۆيليا» قاقپاسىنا پەنالتي بەلگٸلەندٸ. ونى «ينتەر» شابۋىلشىسى رومەلۋ لۋكاكۋ مٷلتٸكسٸز ورىندادى, ال 12, 33-مينۋتتاردا يسپاندىق كلۋب ساپىنان ليۋك دە يونگ قوس گولدىڭ اۆتورى اتاندى. ال 35-مينۋتتا «ينتەر» ويىنشىسى ديەگو گودين تارازى باسىن تەڭەستٸردٸ. 

ەكٸنشٸ كەزەڭدە دە كوماندالار شابۋىل شەبٸندە كٶبٸرەك بوي كٶرسەتتٸ. ونىڭ بٸرٸ قاقپادان بيٸك كەتسە, ەندٸگٸ بٸر سەتتە قاقپاشى مەن قورعاۋشىلار تيياناقتى قيمىلىمەن كٶزگە تٷستٸ. «سەۆيليا» ويىنشىسى ديەگو كارلوس تەپكەن دوپ رومەلو لۋكاكۋدىڭ اياعىنا تيٸپ كەتتٸ. وسىلايشا «ينتەر» ٶز قاقپاسىنا گول جٸبەرٸپ الدى. ويىندا «سەۆيليا» 3:2 ەسەبٸمەن باسىم تٷستٸ. وسىلايشا يسپاندىق كلۋب ٶزٸنٸڭ تاريحىندا التىنشى مەرتە ەۋروپا ليگاسى كۋبوگىنا يە بولدى. 

ايتا كەتەيٸك, 23 تامىزدا UEFA چەمپيوندار ليگاسىنىڭ فينالى بولادى. وندا فرانتسييانىڭ «پاري سەن-جەرمەن» جەنە گەرمانييانىڭ «باۆارييا» كوماندالارى باق سىنايدى.