Búgin UEFA Eýropa ligasy 2020/2021 jylǵy kezeńiniń alǵashqy irikteý satysynda Almatynyń «Qairaty» Armeniianyń «Noa» komandasyn qabyldaidy, dep habarlaidy "Ult aqparat".
Armeniialyq klýbtyń qurylǵanyna bar-joǵy úsh jyl ǵana toldy. Alǵashqyda komanda «Artsah» dep atalǵan bolatyn. 2019 jyly klýbtyń aty «Noa» bolyp ózgerdi. Komandaǵa moldaviialyq Igor Pikýshak pen Vadim Borets syndy bapkerler jetekshilik etti. Atalǵan klýb byltyr óz eliniń chempionatynda kúmis júldeger atanyp, Armeniia kýbogyn ielendi. Komanda el astanasy – Erevan qalasynyń atynan synǵa túsedi. Óz alańyndaǵy oiyndy «Alashkert» stadionynda qabyldaidy.
Komanda quramynda armeniialyq oiynshylarmen qatar Latviia, Resei, Gvineia-Bisaý, Kolýmbiia, Litva, Ýkraina, Italiia, Moldaviia, Portýgaliia elderinen kelgen fýtbolshylar bar. Solardyń biri – kolýmbiialyq Jordi Monroi Kolýmbiiada dúniege kelgen, onyń anasynyń ulty – armian. Sondyqtan ol 2018 jyldan beri Armeniia ulttyq quramasy sapynda oiyn kórsetip keledi. Sondai-aq, komanda quramynda qazaqstandyq esimi jaqsy tanys ýkraindyq Denis Dedechko da bar.
Esterińizge sala ketelik, ol 2015 jyly «Astana» namysyn qorǵap, 10 oiynda 1 gol soqty. Komandada qaqpashy qyzmetin italiandyq Valero Vimerkati atqarady. Ol Italiianyń «Milan» komandasynyń jastar quramynda oinaǵan. Odan keiin óz eliniń, Portýgaliianyń «Fatima» jáne «Leiriia» klýbtarynda oiyn kórsetti. Ótken jyldan bastap «Noa» quramyna qabyldandy.
Armeniialyq klýb óz tarihynda alǵash ret eýrokýbok oiyndarynda baq synaýǵa múmkindik aldy. Sondyqtan jarystyń kelesi satysyna joldama alýǵa bar kúshin salýǵa niet jasap otyr.
«Qairat» komandasy jyldaǵydai biyl da toptyq kezeńge shyǵýdy aldyna maqsat etip qoiyp otyr. Sol kúshin óz quramyna kóptegen belgili oiynshylardy qosty. Olardyń qatarynda kezinde Reseidiń TsSKA (Máskeý) komandasynda dop tepken braziliialyq áigili fýtbolshy Vagner Lav aldymen atalady. Odan basqa da fýtbolshylar búgin «Qairattyń» jarystyń kelesi satysyna beriletin joldamany qol jetkizýine úlken úles qosady degen senim bar.
«Qairat» pen «Noa» komandalary arasyndaǵy kezdesý elorda ýaqytymen 20.00-de bastalady. Oiyn Qazsport telernasynan tikelei efirde kórsetiledi.
