Eýropa ligasyndaǵy kezekti oiynyn elordalyq «Astana» búgin «Astana-arena» stadionynda ótkizip, Frantsiianyń «Renn» komandasyn qabyldady, dep habarlaidy QazAqparat tilshisi.
Bul kezdesýdiń eki komanda úshin de mańyzy zor bolǵan. «Astana» alǵashqy týrda syrt alańda Ýkrainanyń «Dinamo» (Kiev) komandasymen 2:2 esebimen teń túsip qaitqan edi. Al «Renn» óz alańynda Chehiianyń «Iablonets» klýbyn 2:1 esebimen tize búktirdi. Jeńiske jetken jaǵdaida frantsýzdyq klýb týrnir kestesinde kósh tizginin jeke-dara qolǵa alady. «Astana» basym túsip jatsa, ol da upai qoryn molaita túsedi. Bizdiń komanda aldynda toptyq kezeńnen shyǵyp, plei-off satysyna joldama alý mindeti tur. Endeshe, óz alańynda «Astana» upai joǵaltpaýǵa tiis.
Elordalyq klýbtyń bas bapkeri mindetin atqarýshy Grigorii Babaian alǵashqy minýttan Nenad Erich, Evgenii Postnikov, Marin Anichich, Antonio Rýkavina, Dmitrii Shomko, Richard Almeida, Ivan Maevskii, Baktier Zainýtdinov, Pedro Enrike, Marin Tomasov jáne Jýnior Kabananga sekildi jigitterge senim bildirdi. Al «Renn» klýbynyń bas bapkeri Abdýlai Diallo, Mehdi Zeffan, Damen Da Silva, Kleman Grene, Djeims Lea Siliki, Benjamen Býrigo, Benjamen Andre, Liýdovik Baal, Jeremi Jelen, Denis-Vii Poa jáne Mbai Niang oiyn basynan jasyl alańǵa shyǵardy.
Alǵashqy minýttardan «Astana» oiyn tizginin qolǵa ustaýǵa tyrysty. Shabýyl shebin kúsheitti. Bizdiń jigitter «Renn» qaqpasy mańynda jii boi kórsetti. Dese de olardyń eshbiri gol soǵatyn múmkindik emes edi. Oń qanattan da, sol qanattan da shabýyl údei tústi. 20-minýtta Marin Tomasov «Renn» qaqpasy aýmaǵyna áýelete dop bergen edi. Ol bizdiń shabýylshymyz Jýnior Kabananganyń dál aldynan óte shyqty. Arada eki minýt ótkende frantsýzdar qaqpasy mańynda taǵy bir qaýipti sát boldy. Bul joly «Astana» oiynshysy Richard Almeida jinaqy qimyl kórsete alǵan joq. Alǵashqy kezeńniń 25-minýtyna deiin dop bizdiń jigitterdiń ieliginde kóbirek júrdi. Endigi bir sátterde «Renn» fýtbolshylary da bizdiń jigitterdiń qorǵanys shebindegi qaýqaryn synap kórýge niet tanytty.
Ekinshi kezeńde eki komanda alma-kezek shabýylmen almasty. Birde «Astana», birde «Renn» gol soǵý jolynda tynbai ter tókti. Oiynnyń 65-minýtynda bizdiń jigitter esep ashty. Marin Tomaov oń qanattan buryshtama dobyn berdi. Áýelep kelgen dopty «Astananyń» jas oiynshysy Baktier Zainýtdinov baspen qaqpaǵa engizdi. Esep 1:0. Osylaisha 20-jastaǵy jas ftbolshymyz eýrokýbok oiyndaryndaǵy óziniń alǵashqy golyn soqty. Óz qaqpasyna dop jiberip alǵannan keiin «Renn» birden-aq tezirek tarazy basyn teńestirýge umtyldy. Toqsan minýt túgesilip, tóreshi qosqan qosymsha ýaqytta Marin Tomasov qarsylastar qaqpashysymen betpe-bet shyqty. Bul múmkindikti ol múlt jibermei, qaqpany dál kózdedi. Esep 2:0. Oiyn osy eseppen bizdiń paidamyzǵa aiaqtaldy.
Osylaisha ázirge «Astana» týrnir kestesinde birinshi orynǵa shyqty. «Astana» komandasy kelesi oiynyn 25 qazanda ótkizedi. Bul joly syrt alańda Chehiianyń «Iablonets» klýbymen kezdesedi.
Búgingi kúnge deiin eki komanda atalmysh básekede bir-birden oiyn ótkizdi. «Renn» óz alańynda Chehiianyń «Iablonets» klýbyn 2:1 esebimen jeńdi. Qazir K tobynda kósh bastap tur. «Astana» alǵashqy týrda syrt alańda Ýkraina astanasy - Kiev qalasynyń «Dinamo» komandasymen 2:2 esebimen teń oinap qaitty.
Esterińizge sala ketelik, «Astana» alǵashqy irikteý kezeńinde óz alańynda Chernogoriianyń «Sýteskasyn» 1:0 esebimen jeńip, syrt alańda 2:0 esebimen basym tústi. Odan keiin ekinshi irikteý kezeńinde olar Daniianyń «Midtiýlland» klýbyn (2:1, 0:0) tize búktirdi. Degenmen úshinshi irikteý kezeńinde Horvatiianyń «Dinamo» (Zagreb) klýbyna (0:2, 0:1) ese jiberip qoidy. Eýropa ligasy plei-off kezeńinde Kiprdiń APOEL klýbynan syrt alańda 0:1 esebimen jeńilip, óz alańynda dál osy eseppen jeńiske jetti. Jeńimpaz oiyn sońyndaǵy penalti tebý arqyly anyqtaldy. «Astana» Eýropa ligasy toptyq kezeńine joldama aldy.
