ەۋروپا ليگاسىنداعى كەزەكتٸ ويىنىن ەلوردالىق «استانا» بٷگٸن «استانا-ارەنا» ستاديونىندا ٶتكٸزٸپ, فرانتسييانىڭ «رەنن» كومانداسىن قابىلدادى, دەپ حابارلايدى قازاقپارات تٸلشٸسٸ.
بۇل كەزدەسۋدٸڭ ەكٸ كوماندا ٷشٸن دە ماڭىزى زور بولعان. «استانا» العاشقى تۋردا سىرت الاڭدا ۋكراينانىڭ «دينامو» (كيەۆ) كومانداسىمەن 2:2 ەسەبٸمەن تەڭ تٷسٸپ قايتقان ەدٸ. ال «رەنن» ٶز الاڭىندا چەحييانىڭ «يابلونەتس» كلۋبىن 2:1 ەسەبٸمەن تٸزە بٷكتٸردٸ. جەڭٸسكە جەتكەن جاعدايدا فرانتسۋزدىق كلۋب تۋرنير كەستەسٸندە كٶش تٸزگٸنٸن جەكە-دارا قولعا الادى. «استانا» باسىم تٷسٸپ جاتسا, ول دا ۇپاي قورىن مولايتا تٷسەدٸ. بٸزدٸڭ كوماندا الدىندا توپتىق كەزەڭنەن شىعىپ, پلەي-وفف ساتىسىنا جولداما الۋ مٸندەتٸ تۇر. ەندەشە, ٶز الاڭىندا «استانا» ۇپاي جوعالتپاۋعا تيٸس.
ەلوردالىق كلۋبتىڭ باس باپكەرٸ مٸندەتٸن اتقارۋشى گريگوريي بابايان العاشقى مينۋتتان نەناد ەريچ, ەۆگەنيي پوستنيكوۆ, مارين انيچيچ, انتونيو رۋكاۆينا, دميتريي شومكو, ريچارد المەيدا, يۆان ماەۆسكيي, باكتيەر زاينۋتدينوۆ, پەدرو ەنريكە, مارين توماسوۆ جەنە جۋنيور كابانانگا سەكٸلدٸ جٸگٸتتەرگە سەنٸم بٸلدٸردٸ. ال «رەنن» كلۋبىنىڭ باس باپكەرٸ ابدۋلاي دياللو, مەحدي زەففان, دامەن دا سيلۆا, كلەمان گرەنە, دجەيمس لەا سيليكي, بەنجامەن بۋريگو, بەنجامەن اندرە, ليۋدوۆيك باال, جەرەمي جەلەن, دەنيس-ۆيي پوا جەنە مباي نيانگ ويىن باسىنان جاسىل الاڭعا شىعاردى.
العاشقى مينۋتتاردان «استانا» ويىن تٸزگٸنٸن قولعا ۇستاۋعا تىرىستى. شابۋىل شەبٸن كٷشەيتتٸ. بٸزدٸڭ جٸگٸتتەر «رەنن» قاقپاسى ماڭىندا جيٸ بوي كٶرسەتتٸ. دەسە دە ولاردىڭ ەشبٸرٸ گول سوعاتىن مٷمكٸندٸك ەمەس ەدٸ. وڭ قاناتتان دا, سول قاناتتان دا شابۋىل ٷدەي تٷستٸ. 20-مينۋتتا مارين توماسوۆ «رەنن» قاقپاسى اۋماعىنا ەۋەلەتە دوپ بەرگەن ەدٸ. ول بٸزدٸڭ شابۋىلشىمىز جۋنيور كابانانگانىڭ دەل الدىنان ٶتە شىقتى. ارادا ەكٸ مينۋت ٶتكەندە فرانتسۋزدار قاقپاسى ماڭىندا تاعى بٸر قاۋٸپتٸ سەت بولدى. بۇل جولى «استانا» ويىنشىسى ريچارد المەيدا جيناقى قيمىل كٶرسەتە العان جوق. العاشقى كەزەڭنٸڭ 25-مينۋتىنا دەيٸن دوپ بٸزدٸڭ جٸگٸتتەردٸڭ يەلٸگٸندە كٶبٸرەك جٷردٸ. ەندٸگٸ بٸر سەتتەردە «رەنن» فۋتبولشىلارى دا بٸزدٸڭ جٸگٸتتەردٸڭ قورعانىس شەبٸندەگٸ قاۋقارىن سىناپ كٶرۋگە نيەت تانىتتى.
ەكٸنشٸ كەزەڭدە ەكٸ كوماندا الما-كەزەك شابۋىلمەن الماستى. بٸردە «استانا», بٸردە «رەنن» گول سوعۋ جولىندا تىنباي تەر تٶكتٸ. ويىننىڭ 65-مينۋتىندا بٸزدٸڭ جٸگٸتتەر ەسەپ اشتى. مارين توماوۆ وڭ قاناتتان بۇرىشتاما دوبىن بەردٸ. ەۋەلەپ كەلگەن دوپتى «استانانىڭ» جاس ويىنشىسى باكتيەر زاينۋتدينوۆ باسپەن قاقپاعا ەنگٸزدٸ. ەسەپ 1:0. وسىلايشا 20-جاستاعى جاس فتبولشىمىز ەۋروكۋبوك ويىندارىنداعى ٶزٸنٸڭ العاشقى گولىن سوقتى. ٶز قاقپاسىنا دوپ جٸبەرٸپ العاننان كەيٸن «رەنن» بٸردەن-اق تەزٸرەك تارازى باسىن تەڭەستٸرۋگە ۇمتىلدى. توقسان مينۋت تٷگەسٸلٸپ, تٶرەشٸ قوسقان قوسىمشا ۋاقىتتا مارين توماسوۆ قارسىلاستار قاقپاشىسىمەن بەتپە-بەت شىقتى. بۇل مٷمكٸندٸكتٸ ول مٷلت جٸبەرمەي, قاقپانى دەل كٶزدەدٸ. ەسەپ 2:0. ويىن وسى ەسەپپەن بٸزدٸڭ پايدامىزعا اياقتالدى.
وسىلايشا ەزٸرگە «استانا» تۋرنير كەستەسٸندە بٸرٸنشٸ ورىنعا شىقتى. «استانا» كومانداسى كەلەسٸ ويىنىن 25 قازاندا ٶتكٸزەدٸ. بۇل جولى سىرت الاڭدا چەحييانىڭ «يابلونەتس» كلۋبىمەن كەزدەسەدٸ.
بٷگٸنگٸ كٷنگە دەيٸن ەكٸ كوماندا اتالمىش بەسەكەدە بٸر-بٸردەن ويىن ٶتكٸزدٸ. «رەنن» ٶز الاڭىندا چەحييانىڭ «يابلونەتس» كلۋبىن 2:1 ەسەبٸمەن جەڭدٸ. قازٸر K توبىندا كٶش باستاپ تۇر. «استانا» العاشقى تۋردا سىرت الاڭدا ۋكراينا استاناسى - كيەۆ قالاسىنىڭ «دينامو» كومانداسىمەن 2:2 ەسەبٸمەن تەڭ ويناپ قايتتى.
ەستەرٸڭٸزگە سالا كەتەلٸك, «استانا» العاشقى ٸرٸكتەۋ كەزەڭٸندە ٶز الاڭىندا چەرنوگورييانىڭ «سۋتەسكاسىن» 1:0 ەسەبٸمەن جەڭٸپ, سىرت الاڭدا 2:0 ەسەبٸمەن باسىم تٷستٸ. ودان كەيٸن ەكٸنشٸ ٸرٸكتەۋ كەزەڭٸندە ولار دانييانىڭ «ميدتيۋللاند» كلۋبىن (2:1, 0:0) تٸزە بٷكتٸردٸ. دەگەنمەن ٷشٸنشٸ ٸرٸكتەۋ كەزەڭٸندە حورۆاتييانىڭ «دينامو» (زاگرەب) كلۋبىنا (0:2, 0:1) ەسە جٸبەرٸپ قويدى. ەۋروپا ليگاسى پلەي-وفف كەزەڭٸندە كيپردٸڭ اپوەل كلۋبىنان سىرت الاڭدا 0:1 ەسەبٸمەن جەڭٸلٸپ, ٶز الاڭىندا دەل وسى ەسەپپەن جەڭٸسكە جەتتٸ. جەڭٸمپاز ويىن سوڭىنداعى پەنالتي تەبۋ ارقىلى انىقتالدى. «استانا» ەۋروپا ليگاسى توپتىق كەزەڭٸنە جولداما الدى.
