Qazaqstanǵa 7-10 qyrkúiek aralyǵynda baǵalaý monitoringiniń 1-2 raýndy aiasynda GREKO baǵalaý toby alǵashqy saparmen keldi, dep habarlaidy Sybailas jemqorlyqqa qarsy is-qimyl agenttigi.
Sarapshylar sybailas jemqorlyqqa qarsy is-qimyldyń quqyqtyq negizin jáne qoldanystaǵy sybailas jemqorlyqqa qarsy tetikterdi baǵalaidy. Immýnitetterdi alyp tastaý, sybailas jemqorlyq kiristerin tárkileý, memlekettik organdardyń ashyqtyǵy, memlekettik qyzmetshilerdiń ádeptiligi jáne sybailas jemqorlyq úshin zańdy tulǵalardyń jaýapkershiligi máselelerine erekshe nazar aýdardy.
Esterińizge sala ketsek, GREKO Eýropa keńesiniń sybailas jemqorlyqqa qarsy is-qimyl jónindegi organy jáne halyqaralyq sharttarda bekitilgen standarttardy saqtaý jáne tiimdi qoldanýǵa jaýap beredi.
Biyl naýryz aiynan bastap sarapshylar qazaqstandyq zańnamany zerdeledi. Osy saparda sheteldik baǵalaýshylar memlekettik organ ókilderimen, ÚEU, BAQ jáne kásibi qaýymdastyq ókilderimen kezdesti.
Sybailas jemqorlyqqa qarsy is-qimyl agenttiginiń tóraǵasy Marat Ahmetjanov sapardyń birinshi kúni áriptesterine Qazaqstannyń sybailas jemqorlyqqa qarsy júiesi týraly baiandady. Sondai-aq, Bas prokýratýra qyzmetkerlerimen birlesip «Sotqa deiingi tergeýlerdiń biryńǵai tizilimi», «Ákimshilik óndiristerdiń biryńǵai tizilimi», «Tekserýler sýbektileri men obektileriniń biryńǵai tizilimi» júieleri jáne «Qamqor» aqparattyq servisi tanystyryldy.
Sarapshylardyń qazaqstandyq zańnama men praktikanyń erekshelikterin neǵurlym tolyq túsinýin qamtamasyz etý úshin Parlament, Ulttyq qaýipsizdik komiteti, Qarjy monitoringi jáne Memlekettik qyzmet isteri jónindegi agenttikter, Esep komiteti, Joǵarǵy sot, Bas prokýratýra, ádilet, qarjy, ishki ister ministrlikteri jáne ákimdikterdiń qatysýy uiymdastyryldy.
Kezdesýler barysynda alynǵan aqparatty qorytý nátijesi boiynsha sybailas jemqorlyqqa qarsy is-qimyl sharalaryn jetildirý jónindegi usynymdarmen qosa baǵalaý esebi jasalady.
Usynymdar tizbesi kelesi jyldyń naýryz aiynda GREKO-nyń plenarlyq otyrysynda bekitiledi. Ony oryndaý úshin bizdiń elge 18 ai beriledi.
Usynymdardy sapaly oryndaý Eýropa keńesiniń sybailas jemqorlyq úshin qylmystyq jaýapkershilik týraly konventsiiasyn jáne birqatar basqa da mańyzdy halyqaralyq sharttardy ratifikatsiialaýǵa jol ashady.
Olarǵa qosylý qylmyskerlerdi ekstraditsiialaý jáne shetelge shyǵarylǵan aktivterdi qaitarý bóliginde sheteldik áriptestermen neǵurlym tiimdi yntymaqtasýǵa múmkindik beredi.
