Frantsiiada koronavirýstyń taralýyna bailanysty taǵy da túngi klýbtar jabylmaq. Biraq bul joly qańtar aiynyń basyna deiin jabylady. Qorǵanys keńesi otyrysynyń qorytyndysy boiynsha úkimet osyndai sheshimge keldi, dep habarlaidy QazAqparat Euronews agenttigine silteme jasap.
Frantsiianyń premer-ministri Jan-Kasteks lokdaýn rejimin engizý týraly áli sóz bolmaǵanyn aitty.
Mektepterde sanitarlyq shekteýler kúsheitiledi, jumys berýshilerge qyzmetkerlerge qashyqtan jumys isteýge múmkindik berý usynyldy.
15 jeltoqsannan bastap bes jastan 11 jasqa deiingi balalar koronavirýsqa qarsy vaktsinany ala alady.
Ispaniiada Malaga aimaqtyq ýniversitet aýrýhanasynyń qyzmetkerleri arasynda koronavirýs órshidi.
Infektsiia aldaǵy Rojdestvoǵa bailanysty bolǵan túski astan keiin 68 qyzmetkerden tabyldy. Merekelik is-sharaǵa 170-ke jýyq adam qatysqan.
Túski as qarsańynda barlyq qonaq vaktsinatsiia sertifikatyn nemese koronavirýsqa antigendik testtiń teris nátijesin usyndy.
Ulybritaniiada omikron shtammy joǵary jyldamdyqpen taralyp jatyr. Sońǵy táýlikte 90 jańa jaǵdai tirkeldi.
«Rastalǵan jaǵdailardyń sany 336 adamǵa jetti, olardyń barlyǵy aýrý juqtyrǵan. Bireýlerinde aýrýdyń belgileri bolmaǵan, endi bireýleri syrqattanǵan. Meniń bilýimshe, olardyń eshqaisysy aýrýhanaǵa jatqyzylǵan joqi, - dep habarlady Ulybritaniianyń densaýlyq saqtaý ministri Sadjid Djavid.
Chehiianyń Densaýlyq saqtaý ministrligi aldaǵy kúnderi zeinetkerler men birqatar kásipterdiń ókilderine kelesi jyldyń 1 naýryzynan bastap koronavirýsqa qarsy mindetti vaktsinatsiia týraly qkim shyǵarylatynyn málimdedi.
Sonymen qatar, Chehiiada jeltoqsan aiynyń ortasynda jańa úkimet taǵaiyndalady jáne koalitsiia ókilderi bul qujatty synǵa alyp úlgerdi.
