Eýropa elderi koronavirýs pandemiiasyna bailanysty engizilgen shekteý sharalaryn jeńildetýdi jalǵastyrýda. Eýropada infektsiianyń taralý deńgeiiniń azaiýyna qaramastan, kóptegen memlekettiń bilik organdary azamattardan burynǵydai maska kiiýdi jáne qoǵamdyq oryndarda áleýmettik qashyqtyqty saqtaýdy talap etedi. Erejeni saqtamaǵandarǵa aiyppul salynady, dep habarlaidy "Ult aqparat".
Germaniianyń barlyq federaldy shtattary qoǵamdyq oryndarda jáne kólikte maska taǵýdy uiǵardy. Eldiń keibir aimaqtarynda tártip buzýshylarǵa birneshe myń eýroǵa deiin kóp mólsherde aiyppul salynady. Munda «maskalyq rejimdi» engizýdiń sebepteriniń biri Germaniiadaǵy birinshi bolyp turǵyndaryna maska taǵý mindettelgen Iena qalasynyń oń tájiribesi boldy. Qala biligi jańa erejeler engizilgennen keiin koronavirýspen kúreste aitarlyqtai jetistikke jetti dep málimdeidi. Ispaniia úkimeti qoǵamdyq oryndarda shekteýsiz merzimge qorǵanysh maskalaryn taǵý boiynsha talaptar engizgen.
Eger 1,5 metr áleýmettik qashyqtyqty qamtamasyz etý múmkindigi bolmasa, maska jabyq ǵimarattarda jáne ashyq aýada kiiý kerek. Bul erejeni buzǵany úshin 100 eýro kóleminde aiyppul qarastyrylǵan. Frantsiiada qoǵamdyq kóliktiń barlyq túrlerinde, sonyń ishinde takside maska taǵý kerek. Tártip buzýshylarǵa 135 eýro kóleminde aiyppul salynady. 1,5 metr qashyqtyqty saqtaý jáne qoǵamdyq kólikterde maska taǵý talaby Niderlandyda da belgilengen. Erejeni saqtamaǵandarǵa tiisinshe 400 jáne 90 eýro kóleminde aiyppul salynady.
Maskasy bolmaǵany úshin Belgiiada qoǵamdyq kólikte júrgen jolaýshyǵa 250 eýro aiyppul salynady. Avstriiada qoǵamdyq kólikte, dárihanalarda, aýrýhanalarda jáne qyzmet kórsetý salasynda maska taǵý mindetti. Zań buzýshylar 3,6 myń eýroǵa deiin aiyppul tóleidi. Jańa erejelerdi saqtamaǵan kompaniialarǵa 30 myń eýroǵa deiin aiyppul salynýy múmkin. Polshada qoǵamdyq kólikte, dúkende, shashtarazda jáne dini mekemelerde júrgende maska taǵý áli de mindetti. Poliak politsiiasy maskasyz klientterge 500 zlota (shamamen 110 evro) mólsherinde aiyppul sala alady.
Maskany taǵý talaby Latviia, Sloveniia, Italiia, Vengriia, Gretsiia, Portýgaliia jáne Rýmyniia siiaqty Eýropa elderinde saqtalǵan. Osy memleketterdiń barlyǵynda «maskalyq rejimdi» buzǵany úshin aiyppul salý qarastyrylǵan. Eýropalyq bilik koronavirýstyń ekinshi tolqynyn kútedi jáne azamattardy jaýapty bolýǵa shaqyrady: qashyqtyqty saqtap, maska kiiý mindetti bolmasa da ony taǵýǵa keńes beredi. EO elderiniń memleket jáne úkimet basshylary óz azamattaryna koronavirýs juqtyrǵan adamdar sanynyń kúrt ósýi jaǵdaiynda shekteý sharalary kúsheitiletinin eskertti.
