Eýropa koronavirýstyń ekinshi tolqynyna daiyndalýda, dep habarlaidy BBC agenttigi.
Agenttiktiń habarlaýynsha, jalpy karantin qoǵam men ekonomikaǵa tym kóp shyǵyn ákeldi.
Lokdaýnnan shyǵý aýrýdyń kóbeiýine ákeldi, biraq qazir ólim-jitimniń ósýi de, aýrýhanaǵa jatqyzý jaǵdailary da joq. Adamdar sharshady, karantinge narazylyq bildirýshiler sany artyp keledi. Biznestiń, halyqtyń jáne memlekettiń kiristeri quldyraýda, al «jasandy komadaǵy» ekonomikany qoldaýǵa arnalǵan shyǵyndar qol jetimsiz.
Munyń barlyǵy eýropalyqtarǵa qysty lokdaýnsyz ótkizýge úmit beredi. Meditsina da, azamattar da, biznes te birtindep virýspen ómir súrýge beiimdelýde: maska kiedi, qol jýady, qashyqtyqty saqtaidy, úiden jumys isteidi.
Qurlyqtaǵy eń yqpaldy saiasatkerler nemis kantsleri Angela Merkel jáne Frantsiia prezidenti Emmanýel Makron jańa lokdaýnǵa qarsy shyqty.
«Biz eldegi ómirdi toqtata almaimyz, óitkeni lokdaýnnyń kóptegen ziiandy janama áserleri bar», - dedi Makron
«Saiasatker retinde biz shekaralardyń jańadan jabylýyn boldyrmaýǵa tyrysamyz , - dedi Merkel.
Virýstyń saldarynan Eýropalyq Odaqtyń 27 eli Shengen aimaǵyn jaýyp, álemnen ǵana oqshaýlanyp qalǵan joq, sonymen birge ishki shekaralaryn da japty. Adamdar issaparǵa jáne demalysqa saiahattaýdy toqtatty, bul lokdaýnnyń saldarynan EO ekonomikasyna orasan zor ziian keldi.
Birinshi tolqyn kezinde (aqpannan maýsymǵa deiin) qyzmetterdiń negizgi sektory jalpy 16,4% - ǵa qysqardy, al týristik qyzmetterdiń quldyraýy 75% - dy qurady. Jazdyń ortasyna qarai meiramhana biznesi qaita jandandy, biraq munda da ainalym jartylai qalpyna keldi. Qonaq úiler men áýe kompaniialary tereń daǵdarysta qalyp otyr.
«Men qazir elimizde jańa lokdaýn múmkindigin joqqa shyǵaramyn», - dedi Italiianyń Densaýlyq saqtaý ministri Roberto Sperantsa.
Týristik sala taǵy bir óli maýsymǵa qarsy tura almaidy.
Osy ýaqyt ishinde dárigerler Covid-19 indetimen aýyrǵan naýqastardy qalai durys emdeý kerektigin túsindi, ǵalymdar birneshe vaktsina jasap, qazir olardy synap jatyr, al bilik densaýlyq saqtaý júiesin nyǵaitty, qarttar úilerindegi ólim-jitim joiyldy, jappai testileý uiymdastyryldy, naýqastardyń kimmen bailanysqanyn baqylaýdy jáne jergilikti lokdaýndar engizýdi úirendi. Aziia men Eýropada ólim-jitim joiyldy, onymen birge júz jyl buryn «ispan tumaýy» masshtabyndaǵy jańa pandemiiaǵa nemese ortaǵasyrlyq Eýropadaǵy obaǵa degen qorqynysh ta joǵalyp ketti.
Ár onynshy nemis sanitarlyq shekteýlerge qarsy. Keibireýler konstitýtsiiany qoldaryna alyp narazylyq aktsiiasyna shyǵady. Qalypty ómirge qaita oralatyn ýaqyt keldi. Áitpese virýspen kúres virýstyń ózine qaraǵanda kóp ziian keltiredi deidi narazylyq bildirýshiler. Sanitarlyq narazylyq búkil Eýropany sharpydy. Bilik jaýap berdi: ár nárseniń óz ýaqyty bar, aldymen biz ekonomikany qalypty ómirge, balalardy mektepke, jumysshylardy jumysqa qaitaramyz. Eger bul úshin barlyǵyna maska kiiý kerek jáne qydyrýdan bas tartý kerek bolsa,ony oryndaý qajet. Oǵan baǵynbaǵan jaǵdaida, tártip buzýshylarǵa aiyppul salynady deidi bilik.
