Eýropalyq aýrýlardy aldyn alý jáne baqylaý ortalyǵynyń deregine sai, Portýgaliia men Ispaniia óńirleriniń kóp bóligi koronavirýs juqtyrý kórsetkishteri boiynsha «qyzyl» aimaqqa kirdi, dep habarlaidy "Ult aqparat".
«Sary aimaqta» Ispaniianyń eki óńiri – Galisiia men Kastiliia-La-Mancha qaldy.
Ispandyq BAQ-tyń habarlaýynsha, koronavirýs jastar arasynda tez taralýda. Ispaniianyń Densaýlyq saqtaý ministrliginiń esebine sáikes, sońǵy eki kúnde 100 myń adam 225 koronavirýs juqtyrǵan, bul – aldyńǵy kezeńdegige qaraǵanda 20 pýnktke joǵary. Jastar arasynda bul kórsetkish 77 pýnktke kóterilip, 100 myń turǵynǵa 717 jaǵdaidy kórsetip otyr.
Juqpalyǵy joǵary «delta» shtamynyń tez taralýyn eskere otyryp, ispandyq óńirler tiisti sharalardy qoldanýda. Mysaly, Kataloniia seisenbi kúni túngi klýbtardy jabatyny týraly habarlady. Basqa óńirler jastar arasynda jappai testileý júrgizý kerek dep sanaidy.
Ispandyq mamandardyń aitýynsha, eldegi sońǵy eki apta ishindegi infektsiianyń órshýiniń sebebi baqylaý sharalary qatań emes túngi klýbtardaǵy jaǵdaiǵa bailanysty bolyp otyr.
