Sársenbide Eýropalyq komissiia «jasyl investitsiialarǵa» salymdy retteitin turaqty qarjylandyrý erejeleriniń jiyntyǵyn jariialady, dep habarlaidy QazAqparat.
Taksonomiia (jikteý) Eýroodaq elderiniń «Jasyl mámilesinde» – 2050 jylǵa qarai kómirtegi beitaraptyǵyna qol jetkizýge baǵyttalǵan ekonomikalyq damý strategiiasynda basty oryn alady.
Jeke kapitaldy ekologiialyq taza dep tanylǵan energiia kózderine salýǵa bolady. Maqsat - barlyq múmkindikterdi qoldana otyryp, «jasyl energiiaǵa» kóshýdi jedeldetý. EO basshylyǵy ǵylymi usynystardy eskere otyryp, ótpeli kezeńde gaz jáne iadrolyq qyzmetke jeke investitsiialar tartý mańyzdy ról atqarady dep esepteidi.
Osy aptada qabyldanǵan erejelerde gaz jáne iadrolyq energetika EO-nyń klimattyq jáne ekologiialyq maqsattaryna sáikes keletini jáne Eýropaǵa kómir óndirisi siiaqty aýa lastaityn qyzmet túrlerine qaraǵanda, negizinen jańartylatyn energiia kózderine negizdelgen klimattyq beitarap bolashaqqa kóshýdi tezdetýge múmkindik beretini aitylǵan.
«EO 2050 jylǵa qarai klimattyq beitaraptyqqa qol jetkizýge daiyn jáne biz oǵan qol jetkizý úshin barlyq quraldardy qoldanýymyz kerek. Ótpeli kezeńdegi jeke investitsiialardy jandandyrý bizdiń klimattyq maqsattarymyzǵa jetýdiń kilti», - dedi qarjy qyzmeti jónindegi komissar Meirid MakGinness.
