Búgin Briýssel qalasynda Eýropalyq Odaq memleket basshylarynyń sammiti jumysyn bastaidy, dep habarlaidy QazAqparat.
«Birinshi jumys sessiiasy kezinde biz energiia jetkizýshilerdiń pandemiiadan keiingi qalpyna kelýdi qiyndatyp, azamattarymyz ben bizneske kúrdeli jaǵdai týdyrǵan qazirgi baǵa ósimin qarastyramyz. Eýrokomissiianyń jaqynda jasaǵan málimdemesine negizdelip, biz eń kóp zardap shekkenderge qysqa merzimdi kómek turǵysynan, sondai-aq ortamerzimdi jáne uzaqmerzimdi turǵydan EO jáne ulttyq deńgeide ne istei alatynymyzdy qarastyramyz», - delingen Eýropalyq Odaq basshysy Sh.Misheldiń málimdemesinde.
«Biz sondai-aq COVID-19 pandemiiasyna bailanysty qazirgi jaǵdaidy ortaǵa salamyz. Pandemiia áli aiaqtalǵan joq, múshe memleketterdiń keibireýlerinde áli de ósip jatyr. Vaktsinalaý COVID-19 virýsyna qarsy kúresti aitarlyqtai ilgeriletti, alaida vaktsina alý jáne teris aqparat taratýǵa qatysty áli de kóp is tyndyrý qajet», - dep málimdedi Sh.Mishel.
Osy kúnderi aýa raiyna bailanysty Eýropada gaz baǵasynyń bir myń tekshemetri úshin 1101 dollarǵa deiin tómendeýine septigin tigizgen. Aýa temperatýrasynyń joǵarylaýy men jeldiń kúsheiýi baiqalyp otyr, bul jylytý júielerine túsetin salmaqty tómendetip, jel elektr stansalarynyń ónimdiligi artyp otyr.
