Osy aptada Belgiia úkimeti Covid-19 virýsyna qarsy vaktsinalaýdyń eýropalyq tsifrly sertifikatyn engizý máselesin talqylaýyn jalǵastyrady, dep habarlaidy "Ult aqparat".
Eýropa odaǵy men Belgiia óz sertifikattaryn rásimdeýin aǵymdaǵy jyldyń 1 shildesine deiin aiaqtaýy tiis, bul azamattardyń EO aýmaǵynda erkin júrýin jeńildetedi.
Eýroodaq ishinde erkin júrýdiń mindetti talaptary belgili boldy.
Atap ótkende, olar úsheý:
- koronavirýsqa qarsy vaktsina alý
- jaqynda ǵana jasalǵan PTR-test teris nátijesi
- virýsqa qarsy antidene, iaǵni belgili bir immýnitettiń bolýy.
Eýroodaq deńgeiinde bul talaptar 20 mamyrda kelisilgen.
Ótken demalys kúnderi Belgiianyń infektsiialyq aýrýlar jónindegi sarapshysy Natan Klýmek olardyń Belgiiada da qoldanylatynyn rastady.
«Bir de bir el osy talaptarǵa sáikes kelmeitin saiahatshyny qabyldamaidy», - dep málimdedi Belgiia sarapshysy.
Budan basqa, Belgiia KVI boiynsha «qyzyl» aimaqtan elge oralǵandar úshin PTR-test talap etetýin jalǵastyrady.
