Eýropa elderi shekteý sharalaryn jeńildete bastady, dep habarlaidy Euronews.
Majarstanda komendant saǵatynyń bastalýy tún ortasyna jyljytyldy. Azyq-túlik satpaityn dúkender men jyldam ázirlenetin tamaq oryndary senbi saǵat 23-ke deiin jumys istei alady. Immýnitet sertifikaty bar azamattar kafe, meiramhanalarǵa jáne sport zaldaryna barýyna ruqsat etildi. 10 mamyrdan bastap bilik 16-dan 18 jasqa deiingi majarlarǵa vaktsina egýdi josparlap otyr.
Kámelet jasqa tolǵan frantsýzdar (18+) 15 mamyrdan bastap koronavirýsqa qarsy vaktsinantsiia alýǵa quqyǵy bar. Bul týraly el prezidenti Emmanýel Makron Twitter-degi paraqshasynda jariialady. Onyń aitýynsha, 15 mamyrdan bastap 50 jastan asqan azamattardan basqasynyń bári ekpe alýyna bolady. Sáýir aiynyń sońyndaǵy málimet boiynsha Frantsiiada eresek turǵyndardyń 29% vaktsinanyń kem degende bir dozasyn alǵan.
Portýgaliia 1 mamyrdan bastap Ispaniiamen aradaǵy qurlyqtaǵy shekarany ashady. Ol qańtar aiynda koronavirýs taralýyn toqtatý úshin jabylǵan bolatyn. Sondai-aq senbide meiramhana, kafe men konditer oryndary ǵimarat ishinde aldy adamǵa, terassada on adamǵa sheiin qyzmet kórsete alady. Ashyq aýada kez kelgen qozǵalysqa ruqsat berildi. Alaida qashyqtan jumys isteý quptalady.
Túrkiiada koronavirýs juqtyrǵandar sanynyń artýyna bailanysty bilik qatań shekteý sharalaryn qoldandy. Táýlik boiy oqshaýlaý rejimi jariialanǵan. Úiden tek mańyzdy sebeppen shyǵýǵa ruqsat etiledi, onyń ishinde azyq-túlik satyp alý da bar. Mektepter qashyqtan oqytýǵa kóshirildi.
