Sársenbi kúni Eýrokomissiia basshysy Ý.Liaien Eýroparlamenttiń plenarlyq sessiiasynda «Eýropalyq Odaqtyń jaǵdaiy týraly» sóz sóiledi, dep habarlaidy QazAqparat.
Ý.Liaien Eýrokomissiia jumysynyń nátijesin, Eýroodaqtyń damý baǵyty men ózekti qaterlerin atap ótti. Onyń aitýynsha, EO giperbásekeniń jańa dáýirine qadam basqan.
«Qazir aimaqtyq básekelestik jáne iri derjavalardyń bir-birine nazaryn qaita baǵyttaý dáýiri», - dedi Eýrokomissiia basshysy.
«Aýǵanstandaǵy sońǵy oqiǵalar bul ózgeristiń sebebi emes, biraq olar – onyń simptomy bolyp tabylady», - dep atap ótti Ý.Liaien.
Ý. Liaien Eýroodaq Aýǵanstan halqyn, áiel, bala, prokýrorlary, jýrnalisi men quqyq qorǵaýshylaryn qoldaitynyn habarlady.
«Men qazir túrmede shyqqan erlerden qashyp, jasyrynyp júrgen áiel sýdialar týraly oilaimyn. Olar sot tóreligi men zańnyń ústemdigine qosqan úlesi úshin táýekelge bardy. Olardy qoldaýymyz kerek jáne olardy qaýipsiz jerge jetkizý úshin múshe memlekettermen barlyq jumysty úilestiremiz. Biz eldegi jáne kórshi elderdegi barlyq aýǵan halqyn qoldaýdy jalǵastyrýymyz kerek. Biz úlken ashtyq pen gýmanitarlyq apattyń naqty qaýpin boldyrmaý úshin bárin jasaýymyz qajet. Biz óz jumysymyzdy jasaimyz. Aýǵanstanǵa gýmanitarlyq kómekti taǵy da 100 mln eýroǵa ulǵaitamyz. Bul bizdiń barlyq kúsh-jigerimizdi biriktirý úshin kelesi aptada usynatyn Aýǵanstandy qoldaýdyń jańa, neǵurlym keńeitilgen paketiniń bir bóligi bolady», dep atap ótti óz sózinde Ý.Liaien.
