Qazirgi ýaqytta Eýraziia ulttyq ýniversitetinde jumys isteitin oqytýshylardyń ortasha jalaqysy 300 myń teńgege jetti. Bul týraly Ortalyq kommýnikatsiialar qyzmetinde ótken onlain brifingide L.N.Gýmilev atyndaǵy Eýraziia ulttyq ýniversitetiniń rektory Erlan Sydyqov aitty, dep habarlaidy QazAqparat.
«Biz batysta damyǵan ýniversitetterdiń tájiribesin ala otyryp, ol jaqtan mamandardy arnaiy shaqyrta otyryp oqytýshylarymyzǵa biliktilikti arttyrý kýrsyn ótkizdik. Oqytýshylar 72 saǵattyq kýrsty tegin oqydy. Osylaisha, oqytýshylardyń 74%-ynyń biliktiligin arttyrdyq», - deidi Eýraziia ulttyq ýniversitetiniń rektory Erlan Sydyqov.
Onyń aitýynsha, ýniversitette úshinshi telestýdiia ashylǵan.
«Videolektsiiaǵa degen suranys artyp ketti, sol sebepti ýniversitette úshinshi telestýdiiany ashtyq. Úsh telestýdiia kúndiz-túni dáris jazýmen ainalysyp jatyr. Oqytýshylar videolektsiia jazýǵa ózderi de qushtarlyq tanytyp otyr. QR Bilim jáne ǵylym ministrliginiń tapsyrmasymen joǵary oqý ornyndaǵy oqytýshylardyń jalaqysy kóterildi. Qazirgi ýaqytta Eýraziia ulttyq ýniversitetinde jumys isteitin oqytýshylardyń ortasha jalaqysy 300 myń teńgege jetti», - deidi ol.
