QR Memlekettik hatshysy Qyrymbek Kósherbaev XVII Eýraziialyq media forýmnyń ashylýynda sóz sóiledi, dep habarlaidy QazAqparat.
Memlekettik hatshy óz sózinde dástúrli forýmda kóptegen ózekti máseleler talqylanatynyn atap ótti.
«Ótken kezeńde biz aýqymdy oqiǵalardyń kýási boldyq. Álem ózgerdi. Pandemiia, jahandyq ekonomikalyq quldyraý, memleketter arasyndaǵy senimsizdik, álemniń jetekshi derjavalary arasyndaǵy tehnologiialyq soǵys, etikalyq normalardyń ózgerýi jáne taǵy basqalary adamdardy biriktirip qana qoimai, alýan túrli kózqarastarǵa da bóldi. Túrli pikirlerdi talqylap, konsensýs izdeitin halyqaralyq platformaǵa ainalǵan Eýraziialyq media forýmnyń missiiasy da osynysymen mańyzdy. Biz jańa elorda – Nur-Sultanda Táýelsizdigimizdiń 30 jyldyǵyna orai qurmetti áriptester men dostardy qarsy alýdamyz»,-dedi Qyrymbek Kósherbaev Eýraziialyq media forýmnyń ashylýy kezinde.
Memlekettik hatshy forýmnyń tabysty jumysyna eldegi kóshbasshylar erekshe mán beretinin atap ótti jáne forým qatysýshylaryna tabys pen syndarly dialog tiledi.
