Óskemen qalasynda 40 jastaǵy áiel alaiaqtyń arbaýyna iligip, 4 mln teńge shyǵynǵa batty, dep habarlaidy "Ult aqparat".
ShQO politsiia departamenti baspasóz qyzmetiniń málimetine súiensek, Úlbi politsiia bólimshesine 40 jastaǵy áiel júgingen.
Óz sózinde ol qaladaǵy saýda úileriniń birinde alaiaqtyq jolmen senimge kirgen beitanys áiel adamǵa siyr etin bergenin aitty.
Jábirlenýshige kelgen materialdyq shyǵyn mólsheri – 4 mln teńgeden asady.
«Belgili bolǵandai, shahar turǵynyn áńgimege tartqan alaiaq óziniń iri sharýa qojalyǵy bar ekenin, oǵan etti qymbat baǵamen satýǵa kómektesetinin jetkizgen. Mundai usynysty estigen azamatsha kóp oilanbastan taýardy bere salady. Áiel adam etti alǵannan keiin birneshe kún ishinde aqshany alyp kelýge ýáde bergen. Alaida biraz ýaqyttan keiin múlde bailanysqa shyǵýdy qoidy», - delingen habarlamada.
Jedel-izdestirý sharalary barysynda politsiia qyzmetkerleri 48 jastaǵy qala turǵynyn qolǵa túsirdi.
Atalǵan fakti boiynsha QR QK-niń 190-baby 3-bóligine sáikes sotqa deiingi tergeý amaldary júrip jatyr.
