ٶسكەمەن قالاسىندا 40 جاستاعى ەيەل الاياقتىڭ ارباۋىنا ٸلٸگٸپ, 4 ملن تەڭگە شىعىنعا باتتى, دەپ حابارلايدى "ۇلت اقپارات".
شقو پوليتسييا دەپارتامەنتٸ باسپاسٶز قىزمەتٸنٸڭ مەلٸمەتٸنە سٷيەنسەك, ٷلبٸ پوليتسييا بٶلٸمشەسٸنە 40 جاستاعى ەيەل جٷگٸنگەن.
ٶز سٶزٸندە ول قالاداعى ساۋدا ٷيلەرٸنٸڭ بٸرٸندە الاياقتىق جولمەن سەنٸمگە كٸرگەن بەيتانىس ەيەل ادامعا سيىر ەتٸن بەرگەنٸن ايتتى.
جەبٸرلەنۋشٸگە كەلگەن ماتەريالدىق شىعىن مٶلشەرٸ – 4 ملن تەڭگەدەن اسادى.
«بەلگٸلٸ بولعانداي, شاھار تۇرعىنىن ەڭگٸمەگە تارتقان الاياق ٶزٸنٸڭ ٸرٸ شارۋا قوجالىعى بار ەكەنٸن, وعان ەتتٸ قىمبات باعامەن ساتۋعا كٶمەكتەسەتٸنٸن جەتكٸزگەن. مۇنداي ۇسىنىستى ەستٸگەن ازاماتشا كٶپ ويلانباستان تاۋاردى بەرە سالادى. ەيەل ادام ەتتٸ العاننان كەيٸن بٸرنەشە كٷن ٸشٸندە اقشانى الىپ كەلۋگە ۋەدە بەرگەن. الايدا بٸراز ۋاقىتتان كەيٸن مٷلدە بايلانىسقا شىعۋدى قويدى», - دەلٸنگەن حابارلامادا.
جەدەل-ٸزدەستٸرۋ شارالارى بارىسىندا پوليتسييا قىزمەتكەرلەرٸ 48 جاستاعى قالا تۇرعىنىن قولعا تٷسٸردٸ.
اتالعان فاكتٸ بويىنشا قر قك-نٸڭ 190-بابى 3-بٶلٸگٸنە سەيكەس سوتقا دەيٸنگٸ تەرگەۋ امالدارى جٷرٸپ جاتىر.
