Foto: ashyq derekkóz
Ulttyq statistika biýrosy 2025 jyldyń III toqsanyna arnalǵan azyq-túlik ónimderin tutyný jónindegi derekterdi jariialady, dep habarlaidy Ult.kz.
Málimetter halyqtyń turmys deńgeii boiynsha 11,7 myń úi sharýashylyǵyn qamtyǵan iriktemeli zertteý nátijesinde alynǵan.
Úi sharýashylyqtarynyń azyq-túlik tutyný shyǵystaryndaǵy eń joǵary úles et jáne et ónimderine, sondai-aq nan men jarma ónimderine tiesili – sáikesinshe 18,3% jáne 7,6%.
Et pen et ónimderin tutynýdyń eń joǵary deńgeii Almaty qalasynda, sondai-aq, Jetisý, Qaraǵandy jáne Aqmola oblystarynda baiqaldy. Bul óńirlerde bir adamǵa shaqqandaǵy ortasha tutyný kólemi toqsanyna shamamen 24 kg. Al eń tómen kórsetkish Shymkent qalasynda tirkelip, bir adamǵa shaqqanda toqsanyna 16,1 kg boldy.
Óńirler bólinisinde jekelegen azyq-túlik túrlerin tutyný deńgeii de ártúrli. Nan ónimderi men jarma buiymdaryn eń kóp tutynatyn óńir – Túrkistan oblysy, munda bir adamǵa toqsanyna 43,4 kg keledi. Balyq ónimderin eń kóp tutyný Soltústik Qazaqstan oblysynda baiqalyp, kórsetkish 5,8 kg qurady. Sút jáne sút ónimderin tutyný kólemi Aqmola oblysynda joǵary – bir adamǵa toqsanyna 83,1 kg. Al kókónister men jemisterdi eń kóp tutynatyn óńir – Almaty qalasy, tiisinshe 30,76 kg jáne 36,9 kg.
Jalpy alǵanda, 2025 jyldyń III toqsanynda jan basyna shaqqandaǵy azyq-túlik ónimderin ortasha tutyný kólemi kelesidei:
- - kartop – 11,3 kg
- - nan ónimderi men jarma buiymdary – 31,7 kg
- - et jáne et ónimderi – 21,2 kg
- - jemister – 29,6 kg
- - qant, tosap, shokolad jáne konditerlik ónimder – 11,4 kg
- - sút ónimderi – 60,5 kg
- - jumyrtqa – 53,9 dana
- - balyq pen teńiz ónimderi – 3,6 kg
