Qazaqstanda jyl sońyna deiin «bultty» ETsQ iske qosylady. Bul týraly «Azamattarǵa arnalǵan úkimet» korporatsiiasynyń ókili aityp berdi, dep habarlaidy QazAqparat.
«Biz áli kúnge deiin adamdardyń kópshiligi qyzmet alý úshin HQKO-ǵa keletinin kórip otyrmyz. Taldaý jumystary kórsetkendei, 6 qyzmettiń ózi qyzmet alýshylardyń 75%-yn qamtidy. 2020 jyly 4,8 mln azamat ETsQ alýǵa keldi. Bul barlyq ótinishterdiń 30%-yn quraidy. Tsifrlyq damý ministrligi Ulttyq aqparattyq tehnologiialar AQ-men birlesip, «bultty» ETsQ engizý máselesin pysyqtaýda. Bul joba ETsQ alý protsesin aitarlyqtai jeńildetýge múmkindik beredi. Bul sheshim adamdardy onlain rejimge kóshirýge yqpal etedi dep úmittenemiz», - dedi «Azamattarǵa arnalǵan úkimet» memlekettik korporatsiiasy» KEAQ basqarma tóraǵasynyń birinshi orynbasary Súienish Ábdildin OKQ brifinginde.
Sonymen birge, spiker «bultty» ETsQ qalai jumys isteitinin, onda biometriialyq derekter qoldanylatynyn atap ótti.
«Ótken jyldyń kúzinen bastap mgov mobildi qosymshasynda avtorizatsiia men biometriialyq derekter arqyly tirkeý engizildi. Júieniń ózi faildyq bolmaidy, ETsQ qashyqtaǵy serverlerde saqtalady. Jáne biometriialyq sáikestendirý boiynsha ETsQ alynady jáne únemi ony jeke kýálikte nemese fleshkada alyp júrý qajet bolmaidy. Adamdar fleshkalaryn joǵaltady jáne HQKO-ǵa ETsQ-ny jańartý úshin taǵy keledi. «Bultty» ETsQ jaǵdaiynda munyń bári qashyqtaǵy serverde saqtalady jáne adamdar jeke basyn biometriialyq rastaǵanda avtomatty túrde ETsQ shyǵarylady jáne qujattarǵa qol qoiylady», - dep túsindirdi S. Ábdildin.
Onyń aitýynsha, bul joba jyl sońyna deiin eGov platformasyna engiziledi. Qazirgi ýaqytta jobamen elektrondyq úkimet portalyna jaýapty Ulttyq aqparattyq tehnologiialar AQ ainalysady.
