Qazaqstan Respýblikasy Aqparat jáne qoǵamdyq damý ministrligi janynan etnosaralyq qatynastardy damytý jónindegi komitet quryldy. Jańa komitet ol etnosaralyq salaǵa jaýapty memlekettik organdardyń naqty vertikalyn qalyptastyrady jáne memlekettik saiasatty belsendi túrde ilgeriletedi dep kútilýde. Bul týraly «Ult» portaly habarlaidy.
Atalǵan qaýlyǵa úkimet basshysy qol qoidy. Soǵan sáikes, «dintaný saraptamasy ortalyǵy» respýblikalyq memlekettik mekemesi taratyldy.
Etnosaralyq qatynastardy damytý komiteti respýblikalyq memlekettik mekemesi memlekettik etnosaralyq jáne diasporalyq saiasat salalarynda basshylyqty júzege asyratyn Qazaqstan Respýblikasy Aqparat jáne qoǵamdyq damý ministrliginiń vedomstvosy bolyp tabylady. Sonymen qatar Qazaqstan Konstitýtsiiasyna jáne zańdaryna, Qazaqstan prezidenti men úkimetiniń aktilerine, ózge de normativtik quqyqtyq aktilerge sáikes jumys isteitin bolady.
Qazaqstan halqy Assambleiasy qurylymy janynda qoǵamdyq kelisim men jalpyulttyq birlikti nasihattaý, qamtamasyz etý maqsatynda mediatsiia kabinetteri jumys isteidi. Qazaqstannyń barlyq óńirinde, aýyldarda, eldi mekenderde qoǵamdyq kelisim keńesteri quryldy. Keńestiń maqsaty – áleýmettik máselelerdi sheshý, áleýmettik shielenistiń aldyn alý.
Sondai-aq, Qazaqstan halqy assambleiasy keńesiniń rólin jáne onyń qoǵamdyq kelisimdi nyǵaitý úshin keńes ókilettiligin nyǵaitý, onyń ishinde Assambleia keńesin respýblikalyq etnomádeni birlestik basshylarynan qalyptastyrýdy, Keńeske qoǵamdyq nagradalar taǵaiyndaý quqyǵyn berýdi kózdep otyr.
Aita keteiik, memleket saiasatynyń mindetteriniń biri búginde turyp jatqan júzden asa etnos ókili Qazaqstandaǵy qoǵamdyq kelisim men jalpyulttyq tatýlyq pen birlikti qamtamasyz etýdi kózdeidi.
Sonymen qatar Qazaqstanda jalpyulttyq birlikti qamtamasyz etý salasynda memlekettik saiasatty jetildirýdiń ǵylymi tásilin qamtamasyz etý úshin ministrlik janynan qoldanbaly etnosaiasi zertteýler institýty quryldy. Endi Qazaqstan halqy Assambleiasymen Aqparat jáne qoǵamdyq damý ministrligi birigip jumys isteý ózara is-qimyldy jetildirý algoritmin engizdi. Ol úshin ortalyq jáne óńirlik deńgeidegi "Qoǵamdyq kelisim" mekemesi aqparat jáne qoǵamdyq damý ministrligine jáne óńirlerdiń ishki saiasat basqarmalary tulǵasyndaǵy atqarýshy organdardyń qaramaǵyna beriledi. Bul qurylym etnikalyq toptarmen ózara is - qimyldy tikelei uiymdastyratyn bolady.
Institýttyń negizgi qyzmeti etnosaralyq qatynastar salasynda júrgiziledi. Al institýt direktory bolyp Talǵat Qaliev taǵaiyndaly. Jańa institýt Assambleianyń ǵylymi-saraptamalyq keńesiniń jumys organyna ainalady dep kútilýde. Sonymen qatar Assambleia tóraǵasynyń orynbasary aqparattyq-taldamaly materialdardy daiyndaý kestesin jandandyrýdy tapsyrdy. Sol arqyly monitoring ónimderin jáne suranysqa ie basqa da materialdardy ázirleitin bolady. Sondai-aq, jańadan qurylǵan institýt eldegi etnosaralyq qatynastardy ǵylymi turǵydan paiymdaý boiynsha qyrýar jumys atqarýy qajet.
