Etna janartaýy atqylap, odan shyqqan kúl Sitsiliiadaǵy irgeles aýyldardy basyp qaldy. 17 aqpanda bastalǵan lavanyń atqylaýy, kúl men gazdyń taraýy osymen onynshy ret qaitalandy, dep habarlaidy ANSA agenttigi.
Sitsiliiadaǵy jaqyn ornalasqan aýyldarǵa kúl men janartaýdyń ushqyny jetip, úiler men kóshelerdi basyp tastady.
Výlkanologtardyń aitýynsha, kúl bultynyń biiktigi 12 myń metrge jetken.
Italiianyń ońtústik-shyǵysynda jeldiń áserinen janartaý kúli Kataniia qalasyn basyp qaldy. Sitsiliianyń shyǵysynda ornalasqan áýejai óz jumysyn jalǵastyrýda.
Výlkanikalyq taý jynystary men tastar Etna taýynyń ońtústigindegi birneshe qala men aýyldan, sonyń ishinde Nikolosi, Trektegni, Aki San-Antonio jáne San-Gregoriodantabyldy.
Eske sala keteiik, Etna taýynyń atqylaýy 17 aqpanda Sitsiliiada boldy.
Etna – Italiiada, Sitsiliianyń shyǵys jaǵalaýynda, Messina men Kataniia qalalaryna jaqyn jerde ornalasqan qatparly výlkan.
Eýropadaǵy belsendiligi joǵary janartaý.
Ulttyq tabiǵi tarih mýzeiiniń (AQSh) málimeti boiynsha 2018 jyly Etna teńiz deńgeiinen 3295 metr biiktikte bolǵan.
