Aýyl sharýashylyǵy ministri Erbol Qarashókeev qazaqstandyqtarǵa et qymbattaýy múmkin ekenin eskertti, - dep habarlaidy Tengrinews.kz tilshisi.
OKQ brifinginde jýrnalist ministrden et qymbattaýyna bailanysty azamattardyń alańdaýyna jaýap berýdi surady.
"Et baǵasy týraly aitsaq, jyldyń qiyn bolǵanyn ózińiz bilesiz. Jem qymbattady. Osyǵan bailanysty et qymbattaýy múmkin. Sebebi fermerler men et óndirýshiler shyǵyndaryn jabý kerek. Sondyqtan et baǵasy ósýi múmkin, biraq ósim joǵary bolady dep oilamaimyz", - dep túsindirdi Qarashókeev.
Sonymen qatar, ol et tapshylyǵy joq ekenin atap ótti. Onyń aitýynsha, óndirýshiler ishki naryqty siyr etimen - 97 paiyzǵa, qoi etimen - 100 paiyzǵa jáne jylqy etimen - 97,5 paiyzǵa tolyq qamtamasyz ete alady.
Jazda birneshe óńirde qurǵaqshylyqtyń saldarynan mal jappai qyryldy. Elimizdiń batys jáne ońtústik óńirleri, atap aitqanda, Mańǵystaý jáne Qyzylorda oblystary eń kóp zardap shekti. BAQ mal azyǵy qymbattaǵanyn atap ótti.
Aýyl sharýashylyǵyndaǵy jaǵdaiǵa bailanysty sarapshylar jazda mal basynyń jappai azaiýyna bailanysty mal sharýashylyǵy ónimderiniń qymbattaýy týraly málimdedi.
"Baǵanyń ósýi búkil halyqtyń qaltasyna aýyr tiedi, al jaǵdaidy túzetýge kesh bolady", - deidi mamandar.
Alaida AShM mamandary eskertýlerdi joqqa shyǵardy.
