Býrabai kýrorttyq aimaǵyndaǵy «Baldáýren» respýblikalyq oqý-saýyqtyrý ortalyǵynda «Qazaqmys» kompaniialar Toby jumyskerleriniń balalaryna arnalǵan jazǵy demalys maýsymy óz máresine jetti. Qoshtasar sáttegi qimastyq, bailanys nómirimen almasý jáne qaita júzdesýge bergen ýádeler men tabylǵan jańa dostar – Astana qalasy, Qaraǵandy jáne Ulytaý oblystarynan kelgen myń bala úshin on kúndik demalystyń eń basty nátijesine ainaldy.
Ár aýysymnyń uzaqtyǵy on kúndi qurady. Demalys baǵdarlamasy aiasynda balalar «Jazdyń jarqyn sátteri» keshinde óz jasaqtaryn tanystyryp, «Jumbaq keiipker» maska-shoýyna jáne «Olimpiia» sporttyq baǵdarlamasyna qatysty. Al týǵan kúni aýysym kezeńimen tuspa-tus kelgen balalarǵa arnaiy taqyryptyq keshter uiymdastyryldy. Osyndai mazmundy baǵdarlama balalardyń ýaqytyn tiimdi ótkizýine, shyǵarmashylyq jáne sporttyq qabiletterin shyńdaýyna, sondai-aq jańa daǵdylardy meńgerip, dostyq qarym-qatynas ornatýyna múmkindik berdi.
«Men «Baldáýrenge» kelgende eshkimdi tanymaitynmyn. Biraq az ýaqyttyń ishinde bárimen tanysyp, jańa dostar taptym. Men lagerdi, ásirese tálimgerlerimizdi qatty saǵynatyn bolamyn. Olar túrli oiyndar uiymdastyryp, kún saiyn qyzyqty is-sharalar ázirlep, bizdiń dostasýymyzǵa yqpal etti», – dep áserimen bólisti demalys maýsymyna qatysýshy Marjan Serikbaeva.
«Qazaqmys» Toby qyzmetkerleriniń balalary demalǵan kezeńde «Baldáýren» ortalyǵynda Mońǵoliia, Qytai, Ózbekstan, Resei, Qyrǵyzstan, Túrikmenstan, Túrkiia, Aýǵanstan, Iran, Tájikstan jáne Niderland elderinen kelgen balalardyń qatysýymen «Atameken» halyqaralyq balalar quryltaiy da ótti. Osynyń arqasynda balalar ártúrli elden kelgen qurdastarymen qarym-qatynas jasap, olardyń mádenietimen jáne salt-dástúrimen tanysty, birlesken is-sharalarǵa qatysyp, jańa dos tapty.
Demalystyń sońǵy kúninde merekelik jabylý saltanaty uiymdastyrylyp, sporttyq, shyǵarmashylyq jáne ziiatkerlik sharalarǵa belsene qatysqan balalar maqtaý qaǵazymen marapattaldy. Demalys aýysymy arnaiy kontsertpen qorytyndylandy. Balalar óz ónerlerin ortaǵa salyp, demalys kezinde úirengen qabiletteri men shyǵarmashylyq sheberlikterin kórsetti.
«Biz «Qazaqmys» Toby jumyskerleriniń balalarymen alty jyldan beri birlese jumys istep kelemiz. Ata-analar men ustazdar qaýymy atynan kompaniiaǵa balalardyń jazǵy demalysyn uiymdastyrýǵa jasap otyrǵan qamqorlyǵy úshin alǵys aitamyz. Lagerdegi mazmundy baǵdarlama balalardyń densaýlyǵyn jaqsartyp, demalysyn tiimdi ótkizýine jaǵdai jasap qana qoimai, olardyń óz betinshe áreket etýine, jaýapkershiligin qalyptastyrýǵa, kóshbasshylyq qabiletin damytýǵa jáne jańa qyrlaryn ashýǵa yqpal etedi», – dedi direktordyń oqý-tárbie jumysy jónindegi orynbasary Damir Suraǵanov.
Balalar demalysyn uiymdastyrý – «Qazaqmys» Toby qyzmetkerlerin áleýmettik qoldaý júiesiniń mańyzdy baǵyttarynyń biri. 2026 jyly osy baǵdarlamany júzege asyrýǵa shamamen 400 mln teńge baǵyttaldy. Býrabaidaǵy demalys úshin kompaniia 936 joldamanyń 80%-yn sýbsidiialady, al jekelegen áleýmettik sanatqa jatatyn otbasylardyń balalaryna arnalǵan 64 joldamanyń aqysyn tolyq tóledi. Joldamany bólý kezinde lagerde buryn demalmaǵan balalarǵa basymdyq berildi. Bul tásil jumyskerler otbasylarynyń barynsha kóp bóligin jazǵy demalys baǵdarlamasymen qamtýǵa múmkindik berdi.
Jalpy 2026 jyldyń jazynda «Baldáýren» ortalyqtarynda Top jumyskerleriniń 1200 balasy demaldy. Onyń ishinde 1000 bala Býrabaida, taǵy 200 bala jazǵy demalysyn Balqash kóliniń jaǵalaýynda ótkizdi. Jumyskerler men olardyń otbasyna qoldaý kórsetý kompaniianyń áleýmettik saiasatynyń basym baǵyttarynyń biri bolyp qala beredi. Jazǵy demalys baǵdarlamasy balalardyń belsendi tynyǵýyna, qabiletin damytýyna jáne jańa oqý jyly aldynda tolyqqandy demalýyna jaǵdai jasaidy.
