بۋراباي كۋرورتتىق ايماعىنداعى «بالدەۋرەن» رەسپۋبليكالىق وقۋ-ساۋىقتىرۋ ورتالىعىندا «قازاقمىس» كومپانييالار توبى جۇمىسكەرلەرٸنٸڭ بالالارىنا ارنالعان جازعى دەمالىس ماۋسىمى ٶز مەرەسٸنە جەتتٸ. قوشتاسار سەتتەگٸ قيماستىق, بايلانىس نٶمٸرٸمەن الماسۋ جەنە قايتا جٷزدەسۋگە بەرگەن ۋەدەلەر مەن تابىلعان جاڭا دوستار – استانا قالاسى, قاراعاندى جەنە ۇلىتاۋ وبلىستارىنان كەلگەن مىڭ بالا ٷشٸن ون كٷندٸك دەمالىستىڭ ەڭ باستى نەتيجەسٸنە اينالدى.
ەر اۋىسىمنىڭ ۇزاقتىعى ون كٷندٸ قۇرادى. دەمالىس باعدارلاماسى اياسىندا بالالار «جازدىڭ جارقىن سەتتەرٸ» كەشٸندە ٶز جاساقتارىن تانىستىرىپ, «جۇمباق كەيٸپكەر» ماسكا-شوۋىنا جەنە «وليمپييا» سپورتتىق باعدارلاماسىنا قاتىستى. ال تۋعان كٷنٸ اۋىسىم كەزەڭٸمەن تۇسپا-تۇس كەلگەن بالالارعا ارنايى تاقىرىپتىق كەشتەر ۇيىمداستىرىلدى. وسىنداي مازمۇندى باعدارلاما بالالاردىڭ ۋاقىتىن تيٸمدٸ ٶتكٸزۋٸنە, شىعارماشىلىق جەنە سپورتتىق قابٸلەتتەرٸن شىڭداۋىنا, سونداي-اق جاڭا داعدىلاردى مەڭگەرٸپ, دوستىق قارىم-قاتىناس ورناتۋىنا مٷمكٸندٸك بەردٸ.
«مەن «بالدەۋرەنگە» كەلگەندە ەشكٸمدٸ تانىمايتىنمىن. بٸراق از ۋاقىتتىڭ ٸشٸندە بەرٸمەن تانىسىپ, جاڭا دوستار تاپتىم. مەن لاگەردٸ, ەسٸرەسە تەلٸمگەرلەرٸمٸزدٸ قاتتى ساعىناتىن بولامىن. ولار تٷرلٸ ويىندار ۇيىمداستىرىپ, كٷن سايىن قىزىقتى ٸس-شارالار ەزٸرلەپ, بٸزدٸڭ دوستاسۋىمىزعا ىقپال ەتتٸ», – دەپ ەسەرٸمەن بٶلٸستٸ دەمالىس ماۋسىمىنا قاتىسۋشى مارجان سەرٸكباەۆا.
«قازاقمىس» توبى قىزمەتكەرلەرٸنٸڭ بالالارى دەمالعان كەزەڭدە «بالدەۋرەن» ورتالىعىندا موڭعولييا, قىتاي, ٶزبەكستان, رەسەي, قىرعىزستان, تٷرٸكمەنستان, تٷركييا, اۋعانستان, يران, تەجٸكستان جەنە نيدەرلاند ەلدەرٸنەن كەلگەن بالالاردىڭ قاتىسۋىمەن «اتامەكەن» حالىقارالىق بالالار قۇرىلتايى دا ٶتتٸ. وسىنىڭ ارقاسىندا بالالار ەرتٷرلٸ ەلدەن كەلگەن قۇرداستارىمەن قارىم-قاتىناس جاساپ, ولاردىڭ مەدەنيەتٸمەن جەنە سالت-دەستٷرٸمەن تانىستى, بٸرلەسكەن ٸس-شارالارعا قاتىسىپ, جاڭا دوس تاپتى.
دەمالىستىڭ سوڭعى كٷنٸندە مەرەكەلٸك جابىلۋ سالتاناتى ۇيىمداستىرىلىپ, سپورتتىق, شىعارماشىلىق جەنە زيياتكەرلٸك شارالارعا بەلسەنە قاتىسقان بالالار ماقتاۋ قاعازىمەن ماراپاتتالدى. دەمالىس اۋىسىمى ارنايى كونتسەرتپەن قورىتىندىلاندى. بالالار ٶز ٶنەرلەرٸن ورتاعا سالىپ, دەمالىس كەزٸندە ٷيرەنگەن قابٸلەتتەرٸ مەن شىعارماشىلىق شەبەرلٸكتەرٸن كٶرسەتتٸ.
«بٸز «قازاقمىس» توبى جۇمىسكەرلەرٸنٸڭ بالالارىمەن التى جىلدان بەرٸ بٸرلەسە جۇمىس ٸستەپ كەلەمٸز. اتا-انالار مەن ۇستازدار قاۋىمى اتىنان كومپانيياعا بالالاردىڭ جازعى دەمالىسىن ۇيىمداستىرۋعا جاساپ وتىرعان قامقورلىعى ٷشٸن العىس ايتامىز. لاگەردەگٸ مازمۇندى باعدارلاما بالالاردىڭ دەنساۋلىعىن جاقسارتىپ, دەمالىسىن تيٸمدٸ ٶتكٸزۋٸنە جاعداي جاساپ قانا قويماي, ولاردىڭ ٶز بەتٸنشە ەرەكەت ەتۋٸنە, جاۋاپكەرشٸلٸگٸن قالىپتاستىرۋعا, كٶشباسشىلىق قابٸلەتٸن دامىتۋعا جەنە جاڭا قىرلارىن اشۋعا ىقپال ەتەدٸ», – دەدٸ ديرەكتوردىڭ وقۋ-تەربيە جۇمىسى جٶنٸندەگٸ ورىنباسارى دامير سۇراعانوۆ.
بالالار دەمالىسىن ۇيىمداستىرۋ – «قازاقمىس» توبى قىزمەتكەرلەرٸن ەلەۋمەتتٸك قولداۋ جٷيەسٸنٸڭ ماڭىزدى باعىتتارىنىڭ بٸرٸ. 2026 جىلى وسى باعدارلامانى جٷزەگە اسىرۋعا شامامەن 400 ملن تەڭگە باعىتتالدى. بۋرابايداعى دەمالىس ٷشٸن كومپانييا 936 جولدامانىڭ 80%-ىن سۋبسيدييالادى, ال جەكەلەگەن ەلەۋمەتتٸك ساناتقا جاتاتىن وتباسىلاردىڭ بالالارىنا ارنالعان 64 جولدامانىڭ اقىسىن تولىق تٶلەدٸ. جولدامانى بٶلۋ كەزٸندە لاگەردە بۇرىن دەمالماعان بالالارعا باسىمدىق بەرٸلدٸ. بۇل تەسٸل جۇمىسكەرلەر وتباسىلارىنىڭ بارىنشا كٶپ بٶلٸگٸن جازعى دەمالىس باعدارلاماسىمەن قامتۋعا مٷمكٸندٸك بەردٸ.
جالپى 2026 جىلدىڭ جازىندا «بالدەۋرەن» ورتالىقتارىندا توپ جۇمىسكەرلەرٸنٸڭ 1200 بالاسى دەمالدى. ونىڭ ٸشٸندە 1000 بالا بۋرابايدا, تاعى 200 بالا جازعى دەمالىسىن بالقاش كٶلٸنٸڭ جاعالاۋىندا ٶتكٸزدٸ. جۇمىسكەرلەر مەن ولاردىڭ وتباسىنا قولداۋ كٶرسەتۋ كومپانييانىڭ ەلەۋمەتتٸك ساياساتىنىڭ باسىم باعىتتارىنىڭ بٸرٸ بولىپ قالا بەرەدٸ. جازعى دەمالىس باعدارلاماسى بالالاردىڭ بەلسەندٸ تىنىعۋىنا, قابٸلەتٸن دامىتۋىنا جەنە جاڭا وقۋ جىلى الدىندا تولىققاندى دەمالۋىنا جاعداي جاسايدى.
