Vaktsina tasymaldaý men saqtaý boiynsha naýqannyń tiimdiligine keri áser etetindei buzýshylyqtar tirkelgen joq. Sanitarlyq-epidemiologiialyq baqylaý komitetiniń tóraǵasy Aijan Esmaǵambetova ortalyq kommýnikatsiialar qyzmetinde ótip jatqan brifingide osylai aitty, dep habarlaidy QazAqparat.
«Bizde ekpe beketterin ashpas buryn tekserý jasaý tájiribesi bar. Iaǵni, vaktsinatsiia bastalǵanǵa deiin jasalady. Al vaktsinatsiia protsesin monitoring arqyly qadaǵalaimyz. Aqpan aiynda 200-den astam ekpe beketimen jumys bastaǵan bolsaq, qazir elimiz boiynsha 2000-dai pýnkt bar. Bekette vaktsinatsiia jumystary bastalǵanǵa deiin ondaǵy temperatýralyq rejimniń saqtalýyna tekserý júrgiziledi. Vaktsinatsiia jappai bastalǵanǵa deiin árbir úshinshi pýnkte túrli sipattaǵy buzýshylyqtar boldy. Tek saqtaý nemese tasymaldaýmen ǵana qatysty emes, jalpy uiymdastyrý máselesimen bailanysty da aqaýlar anyqtaldy. Atalǵan aqaýy bar ekpe beketteri kemshilikter tolyq joiylǵannan keiin ǵana vaktsinatsiia naýqanyna qosylyp otyrǵanyn aitqym keledi», - dedi komitet basshysy.
Onyń málimetinshe, keibir óńirlerde elektr qýaty óshirilgen jaǵdaida ekpeni qajetti temperýrada ustaýdyń qosymsha jospary bolmai shyqqan.
«Elektr qýaty ajyratylǵan jaǵdaida vaktsinany saqtaýdyń qosymsha jospary bolýy kerek. Keibir óńirlerde osyndai jospar bolmaǵan. Biraq jospardyń bolmaýy vaktsinalaýdyń tiimdiligine keri áser etti degen sóz emes. Temperatýra rejimi buzyldy deitindei bir oqiǵadan basqa fakti tirkelgen joq. Almaty oblysynda jol-kólik oqiǵasy bolyp, vaktsina tasymaldaityn refrejator zaqymdanǵan bolatyn. Oqiǵa ornynda tergeý júrip, zaqymdanǵan vaktsinalardyń sany anyqtalǵan. Ol vaktsinalardyń kózi joiyldy. Iaǵni, ainalymnan alyndy, ekpe alýshylarǵa jetken joq», - degen Aijan Esmaǵambetova vaktsinatsiia protsesinde ekpeni saqtaý men tasymaldaýdyń vaktsinalaý tiimdiligine keri áser etetindei buzýshylyqtar bolǵan joq degendi birneshe ret qaitalady.
