Jol apatyna túsken pavlodarlyq qariiaǵa Semeiden kólik jetkizildi, - dep habarlaidy Tengrinews.kz.
Basylym málimetinshe, Semeiden ýáde etilgen aq "Zaporojets" jetkizilgeni týraly kólik iesi Asylbek Andabaevtyń ózi habarlaǵan.
"Áleýmettik jelilerde "Zaporojets" kóligi men jol apatyna ushyrap, jylap turǵan qariiany kórgende garajymda turǵan dál qariianikindei, 1982 jyly shyqqan kóligimdi berýdi sheshtim. Isten shyqpaǵan, júrip tur. Tehnikalyq baiqaýdan ótken, saqtandyrýy da bar. Barlyq qujatty kilttermen birge búgin Efim Nikitichke tapsyrdym", - deidi er adam.
Mundai syiǵa ie bolǵan zeinetker kólik iesi Asylbek Andabaevqa alǵys aityp, jolda abailap júrýge ýáde berdi.
Eske salaiyq, Jelide "Zaporojetstiń" janynda Toyota kóligimen soqtyǵysyp, kóńili túsip ketken 85 jastaǵy qariianynyń videosy taraǵan bolatyn.
