«Samuryq-Qazyna» ulttyq ál-aýqat qorynyń basqarma basshysy Ahmetjan Esimov Mańǵystaý oblysyndaǵy Qarajanbas ken ornyna baryp, sýdy tushylandyratyn jańa zaýyttyń irgetasyn qalap, Qarajanbas ken oryndaryn damytý jóninde keńes ótkizdi. Bul týraly «Samuryq-Qazynanyń» baspasóz qyzmeti habarlap otyr.
Aita keteiik, jańa zaýyt táýligine 17 000 m3 sý qabatyn óńdeýge, paidalanýǵa jáne tushylandyrýǵa qaýqarly. Sonymen qatar, Aqtaýǵa barar jolda Ahmetjan Esimov Qarajanbas ken orny janyndaǵy vahtalyq kentte bolyp, jumysshylardyń ómir súri jaǵdaiymen tanysty.
«Zaýyt qurylysy ken orny úshin úlken mańyzǵa ie. Óitkeni aimaq kún saiyn Astrahannan Atyraý oblysy arqyly Mańǵystaýǵa deiin sozylatyn 17 myń tekshe metr sý tasymalynan sý satyp alyp keledi. Zaýyt qurylysy kelesi jyldyń sońynda aiaqtalady, sodan keiin osy ken oryndarǵa dál mundai sý mólsherin tutyný qajettiligi joiylady jáne bul kólem osy eki oblysta basqa maqsattarǵa jumsalady. Sondai-aq, zaýyt munai óndirýdi 750 myń tonnaǵa arttyrýǵa jáne elektr energiiasyna shyǵyndardy qysqartýǵa múmkindik beredi, iaǵni ekonomikalyq tiimdi joba bolady», - dedi ashylaý saltanatynda Ahmetjan Esimov.
Osy sapar aiasynda, dálirek aitsaq, Aqtaý qalasynda Ahmetjan Esimov «QazMunaiGaz» UK» basshysy Alik Aidarbaevpen birge AQ-nyń ǵylymi nysandaryn aralap, kompaniianyń aǵymdaǵy mindetteri boiynsha keńes ótkizdi.
Keńes barysynda Ahmetjan Esimov eski ken oryndarynan munai alý koeffitsentin arttyrý kerektigin aityp, másele kóterdi. 1960 jyldan beri paidalanyp kele jatqan Mańǵystaý oblysyndaǵy Ózen ken ornyn mysalǵa alǵan Ahmetjan Esimov, qazir ken orny sarqylyp kele jatqany baiqalady dedi. Buǵan deiin ken ornynda jylyna 15 mln. tonna munai óndirilse, al qazirgi ýaqytta 6 mln. tonnadan kem.
«Biz Resei Federatsiiasynyń tájiribesin zerttep, zerdeleýdi jalǵastyryp jatyrmyz, onda olar bizdiń «Ózenge» uqsas ken oryndary úshin erekshe sharttar men zańdardy qabyldady», - dep atap ótti Ahmetjan Esimov. Jalpy, keńes sońynda Ahmetjan Esimov «QazMunaigaz» basshylyǵyna osy máseleni zertteýdi jáne sarqylatyn ken oryndarynyń qorlary boiynsha birqatar tapsyrmalar berdi.
