Esirtkimen ainalysqan 5 qylmystyq toptyń áreketine shekteý qoiyldy, dep habarlaidy "Ult aqparat".
«Jyl basynan beri esirtkige qatysty 1878 qylmys tirkeldi. Onyń ishinde esirtkini ótkizý boiynsha 1118 jaǵdai, asa iri kólemde esirtki saqtaýdyń 323 jaǵdaiy anyqtaldy. 19 tonna ártúrli esirtki túri tárkilendi. Onyń 19 kelisi – geroin, 370 kelisi nasha 9 kelisi sintetikalyq esirtkiler. 5 qylmystyq toptyń áreketiniń joly kesildi. Qylmystyq jaýapkershilikke sondai toptardyń 5 jetekshisi men 32 qatysýshysy tartyldy», - dedi QR IIM Esirtki qylmysyna qarsy is-qimyl departamentiniń bastyǵy Tilegen Matkenov vedomstvoda ótken baspasóz máslihatynda.
Departament bastyǵynyń aitýynsha, qazirgi ýaqytta Qarjy ministrligimen birge 1400 abonenttiń tólem júiesi tekserilip jatyr.
«Klienttik bazasy 10 myń adamnan turatyn 32 telegram-chat anyqtaldy. Olardyń ákimshilerine qatysty qazirgi ýaqytta jedel sharalar qabyldanýda. Sintetikalyq esirtki taratqan 5 sait buǵattaldy. Reseidiń Ishki ister ministrligine bizdiń aýmaqta esirtki taratý úshin paidalanylǵan 230 reseilik nómirdi tekserý týraly ótinim jiberildi. Qazirgi tańda sintetikalyq esirtkiniń ainalymyna qatysty 262 qylmystyq is qozǵaldy. 85 azamat ustalyp, olardan 9 keli sintetikalyq esirtki tárkilendi», - dedi ol.
