ەسٸرتكٸمەن اينالىسقان 5 قىلمىستىق توپتىڭ ەرەكەتٸنە شەكتەۋ قويىلدى, دەپ حابارلايدى "ۇلت اقپارات".
«جىل باسىنان بەرٸ ەسٸرتكٸگە قاتىستى 1878 قىلمىس تٸركەلدٸ. ونىڭ ٸشٸندە ەسٸرتكٸنٸ ٶتكٸزۋ بويىنشا 1118 جاعداي, اسا ٸرٸ كٶلەمدە ەسٸرتكٸ ساقتاۋدىڭ 323 جاعدايى انىقتالدى. 19 توننا ەرتٷرلٸ ەسٸرتكٸ تٷرٸ تەركٸلەندٸ. ونىڭ 19 كەلٸسٸ – گەروين, 370 كەلٸسٸ ناشا 9 كەلٸسٸ سينتەتيكالىق ەسٸرتكٸلەر. 5 قىلمىستىق توپتىڭ ەرەكەتٸنٸڭ جولى كەسٸلدٸ. قىلمىستىق جاۋاپكەرشٸلٸككە سونداي توپتاردىڭ 5 جەتەكشٸسٸ مەن 32 قاتىسۋشىسى تارتىلدى», - دەدٸ قر ٸٸم ەسٸرتكٸ قىلمىسىنا قارسى ٸس-قيمىل دەپارتامەنتٸنٸڭ باستىعى تٸلەگەن ماتكەنوۆ ۆەدومستۆودا ٶتكەن باسپاسٶز مەسليحاتىندا.
دەپارتامەنت باستىعىنىڭ ايتۋىنشا, قازٸرگٸ ۋاقىتتا قارجى مينيسترلٸگٸمەن بٸرگە 1400 ابونەنتتٸڭ تٶلەم جٷيەسٸ تەكسەرٸلٸپ جاتىر.
«كليەنتتٸك بازاسى 10 مىڭ ادامنان تۇراتىن 32 تەلەگرام-چات انىقتالدى. ولاردىڭ ەكٸمشٸلەرٸنە قاتىستى قازٸرگٸ ۋاقىتتا جەدەل شارالار قابىلدانۋدا. سينتەتيكالىق ەسٸرتكٸ تاراتقان 5 سايت بۇعاتتالدى. رەسەيدٸڭ ٸشكٸ ٸستەر مينيسترلٸگٸنە بٸزدٸڭ اۋماقتا ەسٸرتكٸ تاراتۋ ٷشٸن پايدالانىلعان 230 رەسەيلٸك نٶمٸردٸ تەكسەرۋ تۋرالى ٶتٸنٸم جٸبەرٸلدٸ. قازٸرگٸ تاڭدا سينتەتيكالىق ەسٸرتكٸنٸڭ اينالىمىنا قاتىستى 262 قىلمىستىق ٸس قوزعالدى. 85 ازامات ۇستالىپ, ولاردان 9 كەلٸ سينتەتيكالىق ەسٸرتكٸ تەركٸلەندٸ», - دەدٸ ول.
