Foto: Law.ru
Biyl 10 aida elimizde 2405 esirtki qylmysy jasaldy, dep habarlaidy Kazinform agenttigi.
«Internet jelisi arqyly esirtki satý qylmystaryn ashý jumystary turaqty júrýde. Jyl basynan beri Mádeniet jáne aqparat ministrligine 3,2 myńnan astam esirtki saittaryn buǵattaý týraly suraý hattar joldandy. Alaida búginde esirtki jarnamalaityn saittar jyldam aýysady», - dedi QR IIM Esirtki qylmysyna qarsy is-qimyl departamenti bastyǵynyń orynbasary Baqytjan Ámirhanov Ortalyq kommýnikatsiialar qyzmeti alańynda ótken baspasóz máslihatynda.
IIM ókiliniń málimetinshe, biyl 10 aida 2405 esirtki qylmysy, onyń ishinde 1287 ótkizý jáne asa iri kólemde 415 esirtki saqtaý faktisi anyqtaldy.
Odan bólek 32 tonna 642 keli ár túrli esirtki, onyń ishinde 62 keli geroin, 5 tonnadan astam keptirilgen marihýana, 503 keli gashish jáne 255,5 keli sintetikalyq esirtki tárkilengen.
«Esirtki satý boiynsha «OLX» saitynyń tanymaldyǵy basym. Tek jyl basynan beri kompaniiamen bizdiń ministrliktiń bastamasy boiynsha politseilermen jáne servis qyzmetkerleri úsh myńnan astam habarlandyrýdy joidy», - deidi ol.
