© Photo : Press-slýjba departamenta politsii Almaty
Aqtóbe oblysynda esirtki satýshy úiine politsiiaǵa ózi shaqyryp, esirtki zattaryn satqany úshin 10 jylǵa sottalyp ketti. Sotta ustalǵan er adam óz kinásin moiyndady. Onyń aitýynsha, esirtkini býyp-túigeni úshin kún saiyn 5 myń rýbl (shamamen 25 000 teńge) alyp otyrǵan, dep habarlaidy «Ult aqparat» "Diapazon" portalyna silteme jasap.
Tergeý materialdaryna sáikes, Badamsha aýylynyń 24 jastaǵy turǵyny Telegram arqyly sintetikalyq esirtki taratatyn jumys tapqan. Ony jasyryn jerlerge tyǵyp júredi. Al birshama ýaqyttan keiin qoima iesine deiin "kóterildi". Ondai adamdar úide esirtkini býyp-túiip, "bombochka" daiyndaidy. Ózi de esirtkige táýeldi bolyp qalǵan.
Bir kúni esirtkiniń áserimen oǵan bireýler esikti buzǵysy keletindei bolyp kórindi. Ol birden politsiiany shaqyrdy. Tártip saqshylar jyldam keldi, biraq kúdik týǵyzatyn eshteńe tappady. Biraq birazdan soń, esirtki shekken jigitke taǵy bireýdiń úige basa-kóktep kirgisi keletindei bolyp kórindi. Ol taǵy "102"-ge habar beredi. Politseiler qaitadan kelip, úi iesiniń terezeden arqaqorjyndy laqtyryp jibergenin baiqady. Ishinen esirtki shyqty.
Sotta ustalǵan er adam óz kinásin moiyndady. Onyń aitýynsha, esirtkini býyp-túigeni úshin kún saiyn 5 myń rýbl (shamamen 25 000 teńge) alyp otyrǵan. Biraq esirtki taratpadym dep málimdedi. Arqaqorjyn da meniki emes dedi. Politsiianyń súiiktisin jaýapqa tartamyz dep qorqytyp, kináni óz moinyna alýǵa májbúrlegenin de aitty.
Sotta onyń súiiktisinen de jaýap alyndy.
Onyń aitýynsha, jas jigit aspazshy bolyp istegen. Al jumystan shyǵyp ketkennen keiin Telegram arqyly esirtki satýymen ainalysyp ketti. Qyzdyń ózi odan ketip qalǵan. Sebebi jigiti paranoiiamen aýyrǵan, birtúrli áreket jasaǵan. Sosyn ylǵi arqaqorjynyn tastamai júrgen.
Sot úkimimen esirtki taratýshy 10 jylǵa bas bostandyǵynan aiyryldy.
