Nur-Sultan politsiia departamenti esirki biznesimen kúres basqarmasynyń burynǵy basshysy M. Kantýrin men tergeý basqarmasynyń burynǵy tergeýshisi M. Ázimhan "laýazymdyq ýákilettilikterin asyra paidalaný", "geroin ótkizý" baptarymen sottaldy. Bul týraly Ulttyq qaýipsizdik komiteti habarlady.
Habarlamada "2019 jylǵy 29 naýryzda Nur-Sultan qalasy qylmystyq ister boiynsha mamandandyrylǵan aýdanaralyq sotynyń úkimimen M. Kantýrin jáne M. Ázimhan Qylmystyq kodekstiń para alý (366-3) babymen, sondai-aq Kantýrin laýazymdy adamnyń esirtki ótkizý ne saqtaý (297-3), laýazymdyq ókilettikterdi teris paidalaný (361-1) baptarymen kináli dep tanylyp, 10 jáne 8 jylǵa sottaldy" dep jazylǵan.
Ulttyq qaýipsizdik komitetiniń jazýynsha, olar memlekettik qyzmette isteý quqyǵynan ómir boiyna aiyrylǵan. "Sottalǵandar jazasyn qaýipsizdigi barynsha joǵary jáne ortasha túzeý koloniialarynda óteidi" deidi komitet.
Komitetke silteme bergen QazTAG agenttigi "sottalǵan eki azamat 2018 jyly tamyzda ustalǵan. Eks-politseiler 658 gramm geroin satty dep kúdikke ilingen" dep jazady.
