Ekibastuz qalasynda «Samuryq-Energo» kompaniialar tobynyń máseleleri boiynsha keńes ótti. Oǵan «Samuryq-Qazyna» AQ Basqarma tóraǵasy Ahmetjan Esimov qatysty, dep habarlaidy "Ult aqparat".
«Samuryq-Energo» AQ Basqarma tóraǵasy B. Jolamanov Qor basshysyna aǵymdaǵy jaǵdai jóninde baiandady. Atap aitqanda, B.Jolamanov biyl aqpan aiynda Fitch Ratings halyqaralyq reiting agenttiginiń turaqty degen baǵasyn atap ótti.
Budan basqa, «Samuryq – Energo» AQ Basqarma tóraǵasy biyl sáýirde Shardara AQ № 2 gidroagregatyn paidalanýǵa berýdiń mańyzdylyǵyn atap ótti.
Ahmetjan Esimov «Samuryq – Energo» AQ basshylyǵynyń nazaryn elektr energiia eksportynyń tómendeýine aýdartty.
Sondai aq, obektilerdi jylý maýsymyna daiyndaý qajettigine nazar aýdardy. Jiyn sońynda Qordyń Basqarma tóraǵasy birqatar tapsyrmalar berdi. Onyń ishinde reseilik «Inter RAO» kompaniiasynyń úlesin satyp alý jónindegi kelisimdi tezdetip aiaqtaý keregin aitty.
Sonymen qatar, Ekibastuz GRES-2 № 3 blogynyń qurylysyn jedeldetý, elektr energiiasy eksportyn ulǵaitý perspektivasyn pysyqtaý qajettigi aityldy. Qor basshysy kompaniiany jekeshelendirý qarsańynda qoiylǵan mindetterdi oryndaýdyń erekshe mańyzdylyǵyn atap ótti.
