ەكٸباستۇز قالاسىندا «سامۇرىق-ەنەرگو» كومپانييالار توبىنىڭ مەسەلەلەرٸ بويىنشا كەڭەس ٶتتٸ. وعان «سامۇرىق-قازىنا» اق باسقارما تٶراعاسى احمەتجان ەسٸموۆ قاتىستى, دەپ حابارلايدى "ۇلت اقپارات".
«سامۇرىق-ەنەرگو» اق باسقارما تٶراعاسى ب. جولامانوۆ قور باسشىسىنا اعىمداعى جاعداي جٶنٸندە باياندادى. اتاپ ايتقاندا, ب.جولامانوۆ بيىل اقپان ايىندا Fitch Ratings حالىقارالىق رەيتينگ اگەنتتٸگٸنٸڭ تۇراقتى دەگەن باعاسىن اتاپ ٶتتٸ.
بۇدان باسقا, «سامۇرىق – ەنەرگو» اق باسقارما تٶراعاسى بيىل سەۋٸردە شاردارا اق № 2 گيدرواگرەگاتىن پايدالانۋعا بەرۋدٸڭ ماڭىزدىلىعىن اتاپ ٶتتٸ.
احمەتجان ەسٸموۆ «سامۇرىق – ەنەرگو» اق باسشىلىعىنىڭ نازارىن ەلەكتر ەنەرگييا ەكسپورتىنىڭ تٶمەندەۋٸنە اۋدارتتى.
سونداي اق, وبەكتٸلەردٸ جىلۋ ماۋسىمىنا دايىنداۋ قاجەتتٸگٸنە نازار اۋداردى. جيىن سوڭىندا قوردىڭ باسقارما تٶراعاسى بٸرقاتار تاپسىرمالار بەردٸ. ونىڭ ٸشٸندە رەسەيلٸك «ينتەر راو» كومپانيياسىنىڭ ٷلەسٸن ساتىپ الۋ جٶنٸندەگٸ كەلٸسٸمدٸ تەزدەتٸپ اياقتاۋ كەرەگٸن ايتتى.
سونىمەن قاتار, ەكٸباستۇز گرەس-2 № 3 بلوگىنىڭ قۇرىلىسىن جەدەلدەتۋ, ەلەكتر ەنەرگيياسى ەكسپورتىن ۇلعايتۋ پەرسپەكتيۆاسىن پىسىقتاۋ قاجەتتٸگٸ ايتىلدى. قور باسشىسى كومپانييانى جەكەشەلەندٸرۋ قارساڭىندا قويىلعان مٸندەتتەردٸ ورىنداۋدىڭ ەرەكشە ماڭىزدىلىعىن اتاپ ٶتتٸ.
