Túrkistan oblysyna issaparmen kelgen «Samuryq-Qazyna» UÁQ» AQ Basqarma tóraǵasy Ahmetjan Esimov oblys ákimi Ómirzaq Shókeevpen birge Arys jáne Túrkistan qalalaryndaǵy qurylys nysandaryn aralady, dep habarlaidy oblystyq ákimdiktiń baspasóz qyzmeti.
Olar aldymen qor qarjylandyrýymen kúrdeli jóndeýden ótken «Aqnur» balabaqshasynda bolyp, balalarmen tildesti. 65 jyl buryn kirpishi qalanǵan ǵimaratqa apat kezinde zaqymdanǵan. Budan keiin batyrlar Alleiasyn jaiaý aralap ótip, Arys qalasynyń aqsaqaldarymen kezdesti. Jergilikti qariialar óz rizashylyqtaryn bildirip, aq batalaryn berdi.
«Qurylys sapasyn tutynýshy biler. Bastysy – halyq rizashylyǵy. Osynyń bári tirliktiń kózin taýyp, basqaryp otyrǵan basshylaryńyzdyń arqasynda», – dedi «Samuryq-Qazyna» UÁQ» AQ Basqarma tóraǵasy Ahmetjan Esimov Arys aqsaqaldarymen kezdesý kezinde.
Sondai-aq, Ómirzaq Shókeev pen Ahmetjan Esimov tolyqtai jańartylǵan temirjol vokzalynda bolyp, kúrdeli jóndeýjumystaryn tekserdi. Arystyqtar aimaq basshysy Ómirzaq Shókeev pen «Samuryq-Qazyna» UÁQ» AQ Basqarma tóraǵasyn 1200 oryndyq jańa stadionda ótetin dop dodasynda qarsy aldy. Ómirzaq Shókeev pen Ahmetjan Esimov jas sportshylarmen birge fýtbol alańynda dop teýip, oiyndy ashyp berdi.
Aita ketý kerek, «Samuryq-Qazyna» Ál-aýqat qory qaladaǵy 68 nysandy qalpyna keltirýge qol ushyn sozyp, 53 bilim berý nysany, 8 densaýlyq saqtaý, 4 sport, 3 qoǵamdyq oryn nysandaryn tolyq jóndeýden ótkizdi. 16 mektep jańa jihazben qamtamasyz etildi. Búginde 64 nysan el igiligine berildi. Taǵy 4 nysannyń qurylysy júrip jatyr. Túrkistan qalasyndaǵy 7 áleýmettik joba da qor qoldaýynda. Olardyń qurylysymen tanysqan «Samuryq-Qazyna» AQ Basqarma tóraǵasy, Oqýshylar saraiy, 7000 oryndyq stadion, Kongress ortalyǵy, Q.A.Iasaýi murajaiy men amfiteatrda boldy.
Ahmetjan Esimov pen oblys ákimi Ómirzaq Shókeev yntymaqtastyq týraly memorandýmǵa qol qoidy. Oǵan Túrkistan oblysyn gazdandyrý, energetika kesheni men elektrondyq saýda men poshta jelisin damytý, aqparattyq-kommýnikatsiialyq infraqurylymdy damytý, Smart City jobasyn damytý jáne oblysta áleýmettik nysandardy salý siiaqty 9 baǵyt kiredi. Joba aqyldy qala (Smart City) Arys jáne Túrkistan qalalaryn servistik úlgi boiynsha damytýǵa arnalǵan. Osy baǵdarlama aiasynda Qor Túrkistan oblysyndaǵy 97 mektep pen aýrýhanaǵa deiin talshyqty-optialyq bailanys jelisin jáne radiojelilerdi salýdy jáne Arys qalasyndaǵy 12 mektepte, 2 aýrýhanada, 2 balabaqshada 400 beinebaqylaý kameralaryn jáne 50 WiFi núktesin uiymdastyrýdy qamtamasyz etedi. Budan basqa, óńirdegi energetikalyq keshenniń damý taqyryby sóz boldy. Jaqyn ýaqytta qýaty 220kV jańa qosalqy stantsiianyń qurylysy júzege aspaq, oǵan kerneýi 110 kV jergilikti taratý elektr jelisi qosylatyn bolady.
«Bul daiyndalǵan memorandým aldaǵy ýaqytta óńirdiń áleýmettik-ekonomikalyq damýyna jáne halyqtyń ál-aýqatyn kóterýge óz septigin tigizedi dep senemiz», – dep atap ótti Ómirzaq Shókeev.
Memorandýmnyń basym bóligi satyp alý máselesine, atap aitqanda import almastyrý jáne jergilikti qamtýdy damytýǵa arnaldy. Qor uzaqmerzimdi kelisimsharttar jasasý arqyly Túrkistan oblysynda jańa óndiristerdi qurýdy kózdeitin jobalarǵa qoldaý kórsetedi. Ákimdik óz tarapynan jańa óndirister qurý boiynsha jobalardy irikteýdi qamtamasyz etedi. Sonymen qatar, taraptar Túrkistan oblysynyń áleýmettik salasynyń máselelerin talqylady. Qor BTsP bar balalardy ońaltý baǵyty boiynsha áleýmettik máselelerdi sheshýge, inkiýziiany qoldaý kabinetterin materialdyq-tehnikalyq jaraqtandyrýǵa, salaýatty ómir salty men sportty tanymal etýge 7100-den astam adam qarjylai qoldaý kórsetedi. Sóz sońynda Túrkistan oblysynyń ákimi Ómirzaq Shókeev «Samuryq-Qazyna» qoryna aimaqtyń damýyna qoldaý kórsetkeni úshin alǵysyn bildirdi.
