Esil ózeninde balyqtar jappai sý betine shyqqany týraly aqparattan keiin «Qazgidromet» RMK sýdan synamalar aldy, dep habarlaidy "Ult aqparat".
«Nur-Sultan qalasynda Esil ózenindegi balyqtardyń erekshe qubylysy jóninde BAQ-ta jariialanǵan aqparatqa bailanysty 26 mamyr kúni QR Ekologiia, geologiia jáne tabiǵi resýrstar ministrligi «Qazgidromet» RMK Nur-Sultan qalasy boiynsha Ekologiialyq monitoring departamentiniń Qorshaǵan ortanyń lastaný monitoringi synaq zerthanasynyń qyzmetkerleri jospardan tys sý synamalaryn aldy», - delingen «Qazgidromet» RMK málimetinde.
Sý synamalary kelesi núktelerden alynǵan:
- «Qaraótkel» avtojol kópiriniń astynda;
- «Qaraótkel» avtojol kópirinen 0,5 km joǵary;
- «Qaraótkel» avtojol kópirinen 0,5 km tómen;
Jer beti sýlarynyń sapasyn taldaý 42 fizika-himiialyq kórsetkish boiynsha júrgiziledi. Onyń ishinde basty iondar, biogendi, organikalyq jáne organikalyq emes zattar, aýyr metaldar bar.
«Birinshi kúnniń taldaýy boiynsha sýdyń temperatýrasy 23,7 - 24,2 gradýs sheginde ekeni anyqtaldy. Sýtegi kórsetkishi – 8,70-8,75. Sýda erigen otteginiń kontsentratsiiasy qalypty jáne 9,30-11,8 mg/dm3 diapazonynda. Túsi – 25-30 gradýs, móldirligi - 25 sm, iisi - 0 ball, tabiǵi sýǵa tán emes iis tabylmady.
27 mamyrda qalǵan kórsetkishter boiynsha taldaý nátijeleri týraly qosymsha aqparat jariialanatyn bolady. Sondai-aq, 31 mamyrda 5 táýlikten keiin daiyn bolatyn «ottegini biohimiialyq tutyný (5)» analiziniń nátijesin usynamyz», - dedi kompaniianyń baspasóz qyzmetinen.
