© Photo: pablik SKOPETRO v VKontakte
Petropavlda Esil ózeniniń tasýy saldarynan 700-ge jýyq saiajai sý astynda qaldy, dep habarlaidy Sputnik Qazaqstan.
Dúisenbi kúni qalada 30-ǵa jýyq saiajaidy sý basqan bolsa, seisenbide Petropavldyń shetinde ornalasqan júzdegen saiajai aýmaǵyna sý kirgen.
"Esil ózenindegi sý deńgeiiniń kóterilýi jáne jaiylma arqyly sýdyń aǵýy saldarynan 672 saiajai aýmaǵyna sý kirdi. Zardap shekkender jáne turǵyn úilerdi sý basý qaýpi joq. Esil ózeninde sý deńgeiiniń kóterilýi jyl saiynǵy maýsymdyq sipatqa ie", - dedi oblystyq tótenshe jaǵdailar departamentinińbaspasóz hatshysy Evgenii Jýravlev.
Sondai-aq qalada respýblikalyq mańyzy bar joldardyń eki ýchaskesin sý basqan. Respýblikalyq mańyzy bar Cheliabi – Novosibirsk tas jolynyń 528-shi shaqyrymynda Esil ózenindegi sý deńgeiiniń kóterilýi saldarynan Petropavl qalasyndaǵy Zarechnyi aýylynyń mańyndaǵy tas joldyń ústin sý basqan.
Joldyń osy ýchaskesinde sý qoimasyn paidalaný erejelerine sáikes Petropavl sý gidrotorabynyń sý burý arnasy jobalanǵan.
Politsiia qyzmetkerleri men jol qozǵalysy uiymdary eskertý belgilerin qoidy. Ýchaskede kólik júrýine tyiym salynǵan, kezekshilik uiymdastyrylǵan.
18 sáýir kúni tańǵy saǵat 8-degi málimet boiynsha sý tasqynynyń uzyndyǵy 250 metr, tereńdigi 55 santimetrdi quraidy.
