Almaty oblysy TJD qutqarýshylary Esik kólinen 50 týristi evakýatsiialady. Demalýshylar mingen avtobýs kóktaiǵaq saldarynan jol jiegine shyǵyp qalǵan, dep habarlaidy "Ult aqparat".
Almaty oblystyq TJD baspasóz qyzmetiniń málimetinshe, 15 qarashada jolaýshylar avtobýsynyń biri Esik kóline baratyn jolda kóktaiǵaq saldarynan turyp qaldy. Ol basqa kólikter men avtobýstardyń qozǵalysyna kedergi keltirgen.
Jedel qabyldanǵan shara barysynda 50 sheteldik jáne jergilikti týrist esik orman sharýashylyǵy ekologiialyq beketine jaiaý tústi. Qutqarýshylar olardy úsh topqa bólip, ár topqa bir-bir ofitserden bekitilip, barlyǵy aman-esen qaýipsiz jerge jetkizildi. Ekopostan týristerdi Eńbekshiqazaq aýdany ákimdigi daiyndaǵan avtobýstar kútip turdy. Olar Esik qalasynyń avtovokzalyna jetkizdi.
Tekserý barysynda jolda turyp qalǵan jolaýshylar avtobýsy jazǵy dóńgelektermen júrgeni anyqtaldy. Birneshe saǵat ishinde kólik turyp qalǵan jerinen shyǵarylyp, keri qaitaryldy. Qazirgi ýaqytta qaýipsizdik maqsatynda Esik kóline kirý jabyq.
Almaty oblysynyń TJD jazataiym oqiǵalarǵa jol bermeý maqsatynda qysqy dóńgelekterdi aýystyrý jáne aýa raiynyń ózgerýin baqylaýǵa keńes beredi.
