Búgin elordada ótken Ulttyq qoǵamdyq senim keńesiniń alǵashqy otyrysynan alǵan áserimen Parlament Májilisiniń depýtaty Bekbolat Tileýhan bólisti, dep habarlaidy Baq.kz agenttigi.
"Jalpy áserimiz, bul jerde Memleket basshysynyń aldynda buqaranyń kókeiinde júrgen nárselerdiń bárin aitýǵa múmkindik alýymyz - el tarihyndaǵy eleýli oqiǵa bolyp otyr. Bul demokratiialyq qadam der edim. Sosyn aitylmai qalǵan nárse bolǵan joq. Eshkimniń aýzyna qaqpaq qoiylǵan joq. Áleýmettiń árbir tobyndaǵy óziniń oiy erekshelenip júrgenderdiń sóz alýy – Ulttyq keńestiń deńgeiin ereksheleitin dúnie boldy dep oilaimyn", - deidi Bekbolat Tileýhan.
Aita keteiik, Ulttyq qoǵamdyq senim keńesi QR prezidenti janyndaǵy konsýltativtik-keńesshi organ sanalady. Ulttyq keńes qyzmetiniń negizgi maqsaty – jurtshylyqtyń, saiasi partiialardyń, azamattyq qoǵamnyń ókilderimen keńinen talqylaý negizinde memlekettik saiasattyń ózekti máseleleri boiynsha usynystar men usynymdar. Ol óz qyzmetinde Qazaqstan Respýblikasynyń konstitýtsiiasyn, zańdaryn, Qazaqstan Respýblikasy prezidentiniń aktilerin, ózge de normativtik quqyqtyq aktilerdi, sondai-aq osy erejeni basshylyqqa alady.
Keńes tóraǵasy – Qazaqstan prezidenti Qasym-Jomart Toqaev. Tóraǵa orynbasary – prezident ákimshiliginiń basshysy Qyrymbek Kósherbaev, hatshysy – prezident keńesshisi Erlan Qarin.
