Qupiia degen ne? Elge neni aitýǵa bolady, aitylmaityn qandai qupiia bolýy tiis? Tizimge kóz júgirtken adam birazymen eriksiz keliseri sózsiz.
Aitylmaýǵa tiisti birinshi qupiia – keleshekke qurǵan jospar.
Jospar tolyqqandy oryndalmaiynsha ol týraly tis jarmaý kerek. Adamnyń kez-kelgen oiy bastapqyda áljýaz bolyp turady. Óne boiy shuryq-tesik keledi. Kez-kelgen jerinen kiltipan taýyp, izgi oidy oisyratyp alýǵa bolady.
Ekinshi qupiia – qaiyrymdy ister týraly eshkimge aitpaý.
Qaiyrymdy is – jer betinde sirek kezdesetin qubylys, sondyqtan ony kózdiń qarashyǵyndai saqtaý kerek. Ózińizdi jaqsylyq jasaǵanyńyz úshin asyra maqtamańyz. Maqtaý adamdy tákápparlyqqa tez uryndyrady.
Úshinshi qupiia – taqýalyǵyńyz týraly kópshilikte aitpaý.
Tamaq, uiqy, kúlki, tósek qatynasyna qatysty shekteýlerińizdi eshkimniń bilmegeni jón. Tánniń shekteýi kóńildiń taqýalyǵymen úilesse ǵana paidaly.
Tórtinshi qupiia – jasaǵan erlik, batyrlyq týraly úndemeý.
Ár adam kúndelikti san-alýan oqiǵalardy bastan keshiredi. Bireý bilektiń kúshimen jeńip jatsa, bireýdiń aqyly asady. Kúshpen jeńgen adamnyń erligi tez baǵalanady. Ishki arpalysty eshkim baiqai bermeidi. Sondyqtan ol úshin eshkim marapat bermeidi.
Besinshi qupiia – rýhani jetilý týraly aitpaý.
Rýhani bailyq tek sizdiki. Ony eshkimge aityp abyroi jinai almaisyz. Ainalańyzdaǵy adamdardyń shyn muqtajdyǵyn kórseńiz ǵana shet jaǵasyn aityńyz.
Altynshy qupiia – úidegi urys-keris pen otbasylyq ómir týraly úndemeý.
Esińizde bolsyn: otbasyńyzdaǵy urys týraly neǵurlym az aitsańyz, onyń yntymaǵy berik bola túsedi. Urys – aralasý barysynda jinalyp qalǵan ziiandy qýat. Túitkildi kóp talqylaǵan saiyn oǵan ózińiz kóbirek sene bastaisyz.
Jetinshi qupiia – baiaǵyda estigen jaman sózder týraly aita bermeńiz.
Kóshede júrip aiaqkiimdi bylǵap alýǵa bolady. Al, keide sanany da bylǵap alatyndar bolady. Jolda kele jatyp estigen bar qańsyq sózdi úige kelip aitqan adamnyń tabaldyryqtan attap, bylǵanysh aiaqkiimmen tórge ozǵan adamnan aiyrmasy joq.
