قۇپييا دەگەن نە? ەلگە نەنٸ ايتۋعا بولادى, ايتىلمايتىن قانداي قۇپييا بولۋى تيٸس? تٸزٸمگە كٶز جٷگٸرتكەن ادام بٸرازىمەن ەرٸكسٸز كەلٸسەرٸ سٶزسٸز.
ايتىلماۋعا تيٸستٸ بٸرٸنشٸ قۇپييا – كەلەشەككە قۇرعان جوسپار.
جوسپار تولىققاندى ورىندالمايىنشا ول تۋرالى تٸس جارماۋ كەرەك. ادامنىڭ كەز-كەلگەن ويى باستاپقىدا ەلجۋاز بولىپ تۇرادى. ٶنە بويى شۇرىق-تەسٸك كەلەدٸ. كەز-كەلگەن جەرٸنەن كٸلتيپان تاۋىپ, ٸزگٸ ويدى ويسىراتىپ الۋعا بولادى.
ەكٸنشٸ قۇپييا – قايىرىمدى ٸستەر تۋرالى ەشكٸمگە ايتپاۋ.
قايىرىمدى ٸس – جەر بەتٸندە سيرەك كەزدەسەتٸن قۇبىلىس, سوندىقتان ونى كٶزدٸڭ قاراشىعىنداي ساقتاۋ كەرەك. ٶزٸڭٸزدٸ جاقسىلىق جاساعانىڭىز ٷشٸن اسىرا ماقتاماڭىز. ماقتاۋ ادامدى تەكەپپارلىققا تەز ۇرىندىرادى.
ٷشٸنشٸ قۇپييا – تاقۋالىعىڭىز تۋرالى كٶپشٸلٸكتە ايتپاۋ.
تاماق, ۇيقى, كٷلكٸ, تٶسەك قاتىناسىنا قاتىستى شەكتەۋلەرٸڭٸزدٸ ەشكٸمنٸڭ بٸلمەگەنٸ جٶن. تەننٸڭ شەكتەۋٸ كٶڭٸلدٸڭ تاقۋالىعىمەن ٷيلەسسە عانا پايدالى.
تٶرتٸنشٸ قۇپييا – جاساعان ەرلٸك, باتىرلىق تۋرالى ٷندەمەۋ.
ەر ادام كٷندەلٸكتٸ سان-الۋان وقيعالاردى باستان كەشٸرەدٸ. بٸرەۋ بٸلەكتٸڭ كٷشٸمەن جەڭٸپ جاتسا, بٸرەۋدٸڭ اقىلى اسادى. كٷشپەن جەڭگەن ادامنىڭ ەرلٸگٸ تەز باعالانادى. ٸشكٸ ارپالىستى ەشكٸم بايقاي بەرمەيدٸ. سوندىقتان ول ٷشٸن ەشكٸم ماراپات بەرمەيدٸ.
بەسٸنشٸ قۇپييا – رۋحاني جەتٸلۋ تۋرالى ايتپاۋ.
رۋحاني بايلىق تەك سٸزدٸكٸ. ونى ەشكٸمگە ايتىپ ابىروي جيناي المايسىز. اينالاڭىزداعى ادامداردىڭ شىن مۇقتاجدىعىن كٶرسەڭٸز عانا شەت جاعاسىن ايتىڭىز.
التىنشى قۇپييا – ٷيدەگٸ ۇرىس-كەرٸس پەن وتباسىلىق ٶمٸر تۋرالى ٷندەمەۋ.
ەسٸڭٸزدە بولسىن: وتباسىڭىزداعى ۇرىس تۋرالى نەعۇرلىم از ايتساڭىز, ونىڭ ىنتىماعى بەرٸك بولا تٷسەدٸ. ۇرىس – ارالاسۋ بارىسىندا جينالىپ قالعان زيياندى قۋات. تٷيتكٸلدٸ كٶپ تالقىلاعان سايىن وعان ٶزٸڭٸز كٶبٸرەك سەنە باستايسىز.
جەتٸنشٸ قۇپييا – باياعىدا ەستٸگەن جامان سٶزدەر تۋرالى ايتا بەرمەڭٸز.
كٶشەدە جٷرٸپ اياقكيٸمدٸ بىلعاپ الۋعا بولادى. ال, كەيدە سانانى دا بىلعاپ الاتىندار بولادى. جولدا كەلە جاتىپ ەستٸگەن بار قاڭسىق سٶزدٸ ٷيگە كەلٸپ ايتقان ادامنىڭ تابالدىرىقتان اتتاپ, بىلعانىش اياقكيٸممەن تٶرگە وزعان ادامنان ايىرماسى جوق.
