Búgin 23 jasqa tolǵan Dimash Qudaibergen jan-jaqtan quttyqtaýlar jaýyp jatyr. Aitbaevtar otbasy da áleýmettik jeli arqyly Qytaida júrgen balasyna óz tilegin joldady, dep habarlaidy QazAqparat tilshisi.
Áleýmettik jeli búgin Dimashqa arnalǵan quttyqtaýlarǵa toly. Álemge belgili óner juldyzdary da qazaq atyn tanytqan jas jigitke óz tilekterin jetkizip jatyr. Biraq qashan da otbasynyń orny bólek. Búgin Aitbaevtar áýleti óz balasyn erekshe quttyqtap, tilegi men lebizin jetkizdi.
«Bala patsha, týǵan kúnińmen! Ónerińmen barsha əlemdi tamsandyryp, biik belesterden kórine ber. Eshqashan aýyrma, ómir jasyń uzaq bolsyn. Halyqtyń mańdaiyna bitken jaryq juldyzy bolyp júre ber. Úlkenge qurmet kórsetip, kishige úlgi bola bil. Eshqashanda halqyńnan biik bolma! Otbasyńnan alǵan, boiyńa daryǵan qazaqi tərbieni joǵaltpa, məńgilikke jadyńda ustaǵaisyń», - dep jazǵan Dimashtyń ájesi Miýa Nizamýtdinova. Dimash ájesine rizashylyǵyn bildirip, saǵynǵanyn jetkizgen.
Qanat pen Sveta Aitbaevtar da Dimashqa júrekjardy tilekterin jazdy.
«Dimash, sen ómirge kelgen mamyrajai mamyrdyń shýaqty kúni, ata-anamnyń «Uldy boldyq!» dep shattanyp, ulan-asyr toi jasaǵany, qýanysh ústinde «Balapanym!
Ata-anamnyń əldiisiń! Alyp ushqan kóńilimniń ən-kúiisiń! Shat kúlkimen ómirge qadam basa ǵoi! Baqytyńnyń shektelmesin mólsheri, júregimniń kip-kishkentai bólshegi!» dep ən arnaǵanym kúni keshegidei kóz aldymda...
Bərimizdiń mahabbatymyzǵa bólenip óstiń. Əsirese, papamyz ben mamamyzdyń ózińe degen sezimi erekshe bolatyn! Əli kúnge solai. Tóbeńnen qus ushyrmaidy. Mamamyz basyńnan sipap otyryp «meniń qulynym boiy uzyn, oiy biik, armany asqaq, júregi jumsaq, meiirimdi azamat bolyp ósedi» dep ainalyp, tolǵanýshy edi. Sen aqyldy azamat bop erjettiń. Ómir - buralańdy soqpaqtardan, dańǵyl joldardan, jabysqaq batpaqtardan, móldir aidyndardan turatyn kúrdeli əlem... Ər adam ómirge óz terezesinen qaraidy. Bireýdiń terezesi kirshiksiz taza. Ol əlemniń bərin ədemi etip kóredi, al bir adamdar ainalaǵa jýylmaǵan kir terezesinen qaraidy...
Ómirde qandai adamdy keziktirseń de boiynan jaqsylyq izdeýge tyrys, qýanysh syilaýǵa tyrys! Terezelerdiń tazarýyna kómektes... Búgin týǵan kúniń! Otbasymyz úshin qýanyshty kún. Ómiriń məndi de səndi, ǵumyryń uzaq, baqytty bolsyn, Dikonym! Aǵataiyń», - dep jazdy Qanat Aitbaev.
Óz quttyqtaýyn Sveta Aitbaeva da jetkizgen. Ol: «Dikontaiym! Týǵan kúniń qutty bolsyn! Eń bastysy, aman júr, ǵumyrly bol! Bizdiń otbasymyzdy, aǵaiyndy, dos-jarandy ǵana qýantyp dúniege kelip ediń, shúkir, búginde dúiim jurtty, búkil eldi qýantyp júrsiń. Osy betińnen taima! Biz úshin, artyńnan ergen qos baýyryń úshin seniń ornyń erekshe. Biz seni jaqsy kóremiz! Armanshyl balapan, barlyq armandaryń oryndalsyn», - dep jazdy.
Dimashtyń qaryndasy Raýshan Qudaibergen de óz lebizin bildirdi. «Búgin álemdegi eń kúshti aǵanyń, ata men áje, papa men mama úshin jaqsy balanyń, jankúierleri úshin eń keremet ánshiniń týǵan kúni. Kóke, týǵan kúniń qutty bolsyn! Júzińnen eshqashan kúlki ketpei, qýanyshty kúnderiń kóp kezdessin. Eshqashan aýyrmai, barsha halyqty óz ónerińmen tamsandyra ber», - dep jazdy ol.
