Búgin Qaraǵandyda «Qazaqstanda beibit jinalystar uiymdastyrý jáne ótkizý tártibi týraly» zań jobasyn talqylaýǵa arnalǵan dóńgelek ústel ótti. Onda qatysýshylar óz pikirlerin bildirip, suraq qoiyp, usynystaryn engizdi, dep habarlaidy QazAqparat.
Beibit jiyndardy uiymdastyrý men ótkizýge qatysty ázirlengen zań jobasyn talqylaǵannan keiin sarapshylar atalmysh qujat nomalaryna qatysty óz pikirlerin bildirdi. Qaraǵandylyq belgili áleýmettanýshy qazir osy zańǵa qalyń kópshiliktiń erekshe kóńil-kúimen nazar salyp otyrǵandyǵyn aitty.
«Meniń oiymsha bul qazirgi qoǵamda mitingilerdi qosa alǵanda qoǵamdyq qyzmet pen qoǵamdyq qatynastardyń saiasi aspektileriniń tym joǵary baǵalanýymen bailanysty. Menińshe, mitingter qoǵamda uzaq ýaqyttan beri qordalanǵan máselelerdiń sheshý tásili almaidy. Degenmen bul da halyqtyń qandai da bir máselege degen qatynasynyń kórinisi jáne onyń bolýy zańdy. Onyń ústine halyqtyń bulaisha ún qatýy bizdiń tarihymyzda, Keńes Odaǵy tusynda da, odan keiingi kezeńde de bolǵan emes. Sol sebepti qazir bizdiń aldymyzda halyqtyń osyndai jolmen ún qatýynyń ońdy jalǵasyn tabýyna yqpal etetin ekijaqty tiimdi normalardy qurylymdaý mindeti tur. Bul rette saiasat sýbektileriniń pikirleri eki túrli bolýy múmkin, bul qalypty jaǵdai. Sondyqtan qazir talqylaý júrip jatyr. Men osy talqylaýlardyń nátijesinde bizdegi qoǵamdyq sharttar boiynsha atalǵan máseleni sheshýdiń aqylǵa syiymdy jáne ekijaqty tiimdi sheshimderi qabyldanady degen úmittemin», - dep atap ótti áleýmettanýshy Eset Esenǵaraev.
Sondai-aq, onyń pikirinshe, atalmysh zańdy biryńǵai standartpen jasaý múmkin emes. Sebebi birde-bir elde biryńǵai standart joq.
«Bul óte salmaqtap, saralap qaraityn jaǵdai. Bul máselege qatysty AQSh-tyń bir shtaty men ekinshi shtatyndaǵy jaǵdaidyń ózi ártúrli. Sondyqtan da biz onyń biryńǵai qalybyn jasai almaimyz. Sol sebepti bizge qazir ózimizdiń dástúrlerimiz ben erekshelikterimizdi eskere otyryp, jańasha úlgilerdi jasaý kerek», - dep esepteidi Eset Esenǵaraev.
