Kórnekti aqyn Esenǵali Raýshanov Túrkimenstanda TMD elderiniń «Dostastyq juldyzdary» syilyǵyna ie boldy. Bul týraly Qazaqstan Jazýshylar Odaǵynyń baspasóz qyzmeti habarlady.
«Túrikmenstan astanasy Ashǵabat qalasynda Táýelsiz memleketter dostastyǵyna (TMD) múshe elderdiń shyǵarmashylyq jáne ǵylymi intelligentsiiasynyń XIV forýmy aiasynda mamyrdyń 15-i kúni kórnekti aqyn, jazýshy, QR Memlekettik syilyǵynyń laýreaty Esenǵali Raýshanov TMD elderi memleketaralyq gýmanitarlyq yntymaqtastyq qorynyń «Dostastyq juldyzdary» («Zvezdy Sodrýjestva») memleketaralyq syilyǵymen marapattaldy» delingen habarlamada.
Syilyq quryltaishysy, TMD elderi memleketaralyq gýmanitarlyq yntymaqtastyq qorynyń arnaiy málimdeýinshe, atalǵan syilyqtyń tabys etilýi E.Raýshanovtyń mádeniet jáne óner salasyndaǵy jasampaz eńbegi men jetistikterin TMD elderiniń joǵary baǵalaitynyn kórsetedi.
Aita ketsek, Ashǵabat qalasynda ótken Táýelsiz memleketter dostastyǵyna múshe elderdiń shyǵarmashylyq jáne ǵylymi intelligentsiiasynyń XIV forýmyna Qazaqstan, Armeniia, Ázerbaijan, Belarýs, Qyrǵyzstan, Moldova, Tájikstan, Ózbekstan jáne Resei elderinen 200-den astam delegat keldi. Sharanyń taqyryby - «Dostastyqtyń ortaq gýmanitarlyq keńistigi: mádeniet, ǵylym jáne bilim salalaryndaǵy dialog».
Plenarlyq otyrystar men salalyq sektsiialarda ǵylym, bilim jáne óner qairatkerleri kásibi ózara árekettestiktiń túrli aspektilerin talqylaidy. Kitap pen ony oqýdy damytý TMD-da Kitap jylynyń ótýine bailanysty delegattardyń basty nazarynda bolady.
