Qazaqstandyq jas ánshi Erjan Maksim «Junior Eurovision 2019» halyqaralyq án baiqaýyna qatysady. Bul týraly QR Aqparat jáne qoǵamdyq badý ministri Dáýren Abaev málimdedi, dep habarlaidy "Ult aqparat".
«Qymbatty dostar! Qazaq balasy «Junior Eurovision 2019» halyqaralyq án baiqaýyna qatysatyn boldy. Dúniejúzi nazar aýdaratyn án dodasy 2019 jyldyń 24 qarashasynda Polshanyń Glivitse qalasynda ótedi.
«Habar» Agenttiginiń Eýropalyq habar taratý Odaǵyndaǵy músheliginiń nátijesinde Qazaqstan ókiliniń osy baiqaýǵa qatysý týraly bergen ótinishi qabyldanǵanyn aita ketý kerek. Biylǵy baiqaýda bizdiń eldiń namysyn daryndy balamyz Erjan Maksim qorǵaidy», - dep jazdy ministr Facebook-tegi paraqshasynda.
Qazaqstan balalardyń Eurovision baiqaýyna osymen ekinshi ret qatysqaly otyr. Ótken jyly Minsk qalasynda ótken baiqaýda Daneliia Tóleshova óner kórsetken edi.
Aita keteiik, daryndy ánshi Erjan Maksim Reseidiń «Birinshi» arnasyndaǵy «Golos. Deti» baiqaýyna qatysqannan keiin, onyń Qazaqstanda jáne ózge elderde tanymaldylyǵy artty. Sýperfinal nátijesi boiynsha ol ekinshi oryn alǵan bolatyn. Biraq keiin daýys berý qorytyndysyna bailanysty daý týyndady. Telearna basshylyǵy baiqaýdyń altynshy maýsym nátijesin qaita qarap, ony joqqa shyǵardy. Sóitip konkýrstyń arnaiy shyǵarylymyn ótkizý jóninde sheshim qabyldanyp, E.Maksim onyń jeńimpazy bolyp tanyldy.
Al maýsym aiynyń sońynda jas ánshi Nur-Sultan qalasynda alǵashqy jeke kontsertin berdi.
